മുംബൈ : പ്രമുഖ വ്യവസായിയും റിലയൻസ് സ്ഥാപകനുമായ മുകേഷ് അംബാനിക്കും കുടുംബത്തിനും വധഭീഷണി. ഇന്ന് ഉച്ചയ്ക്ക് 12.57 ഓടെ യാണ് മുംബൈയിലെ എച്ച് എൻ റിലയൻസ് ആശുപത്രിയിൽ വധഭീഷണിയുമായി അജ്ഞാതന്റെ ഫോൺ കോൾ എത്തിയത്. ആശുപത്രി സ്ഫോടനത്തിൽ തകർക്കുമെന്നും ഭീഷണിയുണ്ട്.
ഭീഷണിയുടെ അടിസ്ഥാനത്തിൽ ഡിബി മാർഗ് പോലീസ് സ്റ്റേഷനിൽ കേസ് രജിസ്റ്റർ ചെയ്തു. പ്രദേശത്ത് കനത്ത ജാഗ്രതയാണ് ഏർപ്പെടുത്തിയിരിക്കുന്നത്. ഇന്ന് ഉച്ചയോടെയാണ് ആശുപത്രിയിൽ സ്ഫോടനം നടത്തുമെന്ന ഭീഷണിയുമായി അജ്ഞാതന്റെ ഫോൺ കോൾ എത്തിയത്. അംബാനി കുടുംബാംഗങ്ങളെ കൊല്ലുമെന്നും ഭീഷണിയുണ്ട്. ആരാണ് ഭീഷണി മുഴക്കിയത് എന്ന് വ്യകതമല്ല. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ടെന്ന് ഉദ്യോഗസ്ഥർ പറഞ്ഞു.
മുൻപും അമ്പാനി കുടുംബത്തിന് വധഭീഷണി ഉയർന്നിരുന്നു. ഓഗസ്റ്റ് 15 ന് എച്ച്എൻ റിലയൻസ് ഹോസ്പിറ്റലിലെ ഹെൽപ്പ് ലൈൻ നമ്പറിലാണ് ഭീഷണി അറിയിച്ച്് ഫോൺ കോൾ എത്തിയത്. അന്വേഷണത്തിൽ അതേ ദിവസം തന്നെ വിളിച്ചയാളെ ദഹിസാറിൽ നിന്ന് ഡിബി മാർഗ് പോലീസ് പിടികൂടി അറസ്റ്റ് രേഖപ്പെടുത്തിയിരുന്നു.
Comments