കോൺക്രീറ്റ് നടപ്പാതയിൽ കുടുങ്ങി നിൽക്കുന്ന ഒരു പെൺകുട്ടിയുടെ ചിത്രം ഏറെ നാളുകളായി സോഷ്യൽ മീഡിയയിൽ വൈറലാണ്. പിങ്ക് നിറത്തിലുള്ള ഉടുപ്പണിഞ്ഞ് കൈയ്യിൽ കളിപ്പാട്ടം പിടിച്ചുനിൽക്കുന്ന പെൺകുട്ടിയുടെ പകുതി ശരീരഭാഗങ്ങൾ മാത്രമാണ് ചിത്രത്തിൽ കാണാനാകുക. ശേഷിക്കുന്ന ഭാഗങ്ങൾ കോൺക്രീറ്റ് നടപ്പാതയിൽ കുടുങ്ങിയതായി കാഴ്ചക്കാർക്ക് തോന്നുകയും ചെയ്യും. ഇതുകൊണ്ട് തന്നെയാണ് യാതൊരു പ്രത്യേകതകളില്ലാതിരുന്നിട്ടും ഈ ചിത്രം വൈറലായത്.
ഫോട്ടോഷോപ്പ് പോലെയുള്ള എഡിറ്റിംഗ് സോഫ്റ്റ് വെയറുകൾ ഒന്നും തന്നെ പ്രയോഗിച്ചിട്ടില്ലെങ്കിലും ഫോട്ടോ പകർത്തിയ ആംഗിളിന്റെ പ്രത്യേകത കൊണ്ട് ഇത്തരത്തിൽ കാഴ്ചക്കാർക്ക് തോന്നുകയാണെന്നതാണ് വാസ്തവം. ഒപ്റ്റിക്കൽ ഇല്യൂഷൻ മൂലം ഇല്ലാത്ത പലതും ഉണ്ടെന്ന് തോന്നുകയും ഉള്ളതു പലതും കാണാതെ പോകുകയും ചെയ്യുന്നു.
No photoshop involved. #OnceYouSeeIt pic.twitter.com/Kws28ivVDL
— Tim Kietzmann (@TimKietzmann) May 6, 2021
യഥാർത്ഥത്തിൽ നടപ്പാതയ്ക്ക് സമീപം കല്ലുവെച്ച് കെട്ടിയ മതിൽ ഉണ്ട്. ഈ ചിത്രത്തിൽ ഒറ്റനോട്ടത്തിൽ കാണാതെ പോകുന്നതും ഈ മതിലാണ്. പെൺകുട്ടി ഈ മതിലിന്റെ മറവിലാണ് നിൽക്കുന്നത്. അതിനാൽ ശേഷിക്കുന്ന ശരീരഭാഗത്തെ മതിൽ മറച്ചു. ഇതാണ് പെൺകുട്ടി നടപ്പാതയിൽ കുടുങ്ങി കിടക്കുന്നതായി കാഴ്ചക്കാരെ തോന്നിപ്പിച്ചത്.
ഏകദേശം ഒന്നര വർഷം മുമ്പായിരുന്നു ഈ ചിത്രം സോഷ്യൽ മീഡിയയിൽ എത്തിയത്. പിന്നീട് വ്യാപകമായി പ്രചരിക്കാൻ തുടങ്ങി. പലയിടത്തും ഇപ്പോഴും ഉത്തരം കിട്ടാത്ത ചോദ്യമായി ഈ ചിത്രം തുടരുന്നു. എന്നാൽ കാഴ്ചക്കാരുടെ വെറുമൊരു തോന്നൽ മാത്രമാണ് ഈ ചിത്രത്തെ വൈറലാക്കിയതെന്നതാണ് വസ്തുത.
Comments