പോർച്ചുഗൽ നായകൻ ക്രിസ്റ്റിയാനോ റൊണാൾഡോ ക്ലബ് ഫുട്ബോളിൽ 700 ഗോളുകൾ തികച്ച് ചരിത്ര നേട്ടത്തിന് അർഹനായിരിക്കുകയാണ്. ലോകത്ത് ആദ്യമായാണ് ഒരു ഫുട്ബോൾ താരം ഈ നേട്ടം കൈവരിക്കുന്നത്. ഇംഗ്ലീഷ് പ്രീമിയർ ലീഗിൽ എവർട്ടണെതിരെ ഗോൾ നേടിയാണ് 700 തികച്ചത്.
മാഞ്ചസ്റ്റർ യുണൈറ്റഡ് താരമായ റൊണാൾഡോ 44ാം മിനിറ്റിലാണ് ഗോളടിച്ചത്. മത്സരത്തിൽ 2-1ന് ജയിക്കാനും റൊണാൾഡോയുടെ ഗോളിലൂടെ മാഞ്ചസ്റ്ററിന് സാധിച്ചു. ലോകത്തെമ്പാടുമുളള പ്രമുഖരുടെയും ആരാധകരുടെയും അഭിനന്ദനങ്ങളാണ് ഈ പോർച്ചുഗീസ് താരം ഏറ്റുവാങ്ങുന്നത്. അതിനിടെ ഇന്ത്യൻ മുൻ ക്രിക്കറ്റ് താരം യുവരാജ് സിംഗിന്റെ അഭിനന്ദനം സമൂഹമാദ്ധ്യമങ്ങളിൽ ചിരി പടർത്തി.
ട്വിറ്ററിലൂടെയാണ് ഇതിഹാസ താരത്തെ യുവരാജ് അഭിനന്ദിച്ചത്. ‘രാജാവ് തിരിച്ചെത്തി! ഫോം താൽക്കാലിക ക്ലാസ് ആണ് ! @ക്രിസ്റ്റ്യാനോ 700 ക്ലബ്ബിലേക്ക് സ്വാഗതം!’ യുവരാജ് തന്റെ ട്വീറ്റിൽ കുറിച്ചു. റൊണാൾഡോയെ 700 ക്ലബിലേക്ക് സ്വാഗതം ചെയ്ത ട്വീറ്റിനെതിരെ വ്യാപക വിമർശനമാണ് ഉയരുന്നത്.
King 👑 is back ! Form is temporary class is forever !!! @Cristiano welcome to 700 club ! No7 #GOAT𓃵 #legend siiiiiiiiiiii !!!!! @ManUtd
— Yuvraj Singh (@YUVSTRONG12) October 9, 2022
ആദ്യമായാണ് ഒരു താരം ക്ലബ് ഫുട്ബോളിൽ 700 തികയ്ക്കുന്നത്. പിന്നെ എങ്ങനെയാണ് 700 ക്ലബിലേക്ക് സ്വാഗതം ചെയ്യുക എന്നതാണ് വിമർശകരുടെ ചോദ്യം. ‘സഹോദരാ ആദ്യം ഇംഗ്ലീഷ് പഠിക്കൂ, അദ്ദേഹമാണ് ആദ്യമായി 700 ഗോളുകൾ ക്ലബ് ഫുട്ബോളിൽ സ്കോർ ചെയ്യുന്നത്. നിങ്ങൾ ഈ ക്ലബിലില്ല എന്നായിരുന്നു ഒരാളുടെ ട്വീറ്റ്.
Tumhare bhi 700 goal hai kya yuvi paaji??
— Arjun (@areyarjun) October 9, 2022
He is only one in 700 club.
— NITIN (@d_killmonger) October 9, 2022
Welcome to 700 club? He is the only one there
— Aman (@aman8o8) October 9, 2022
മറ്റൊരു ട്വീറ്റ് ഇതായിരുന്നു ‘നിങ്ങൾ നിലവിൽ ആ ക്ലബിൽ അംഗമാണെന്ന പോലെയാണ് ട്വീറ്റ് ചെയ്തിരിക്കുന്നത്. റോണാൾഡോ 945 മത്സരങ്ങളിൽ നിന്നാണ് 700 തികച്ചത്. ഇതോടെ പോർച്ചുഗീസ് താരത്തിന്റെ ആകെ ഗോളുകൾ 817 ആയി. രാജ്യത്തിന് വേണ്ടി ഇതുവരെ 117 ഗോളുകൾ നേടിയിട്ടുണ്ട്. ഇത് നിലവിൽ ലോക റെക്കോർഡാണ്.
റൊണാൾഡോ സ്പാനിഷ് ലീഗിലെ കരുത്തന്മാരായ റയൽ മാഡ്രിഡിന് വേണ്ടിയാണ്(450) കൂടുതൽ സ്കോർ ചെയ്തത്. മാഞ്ചസ്ററർ യുണൈറ്റ(144), യുവന്റസ്(101) എന്നിങ്ങനെയാണ് മറ്റ് ടീമുകൾക്ക് വേണ്ടിയുളള പ്രകടനം. അതിനുപുറമെ യുവേഫ ചാമ്പ്യൻസ് ലീഗിലെ ഏറ്റവും കൂടുതൽ ഗോളുകൾ(140) നേടിയതിന്റെ ബഹുമതിയും ക്രിസ്റ്റിയാനോയ്ക്ക് തന്നെയാണ്.
