അഹമ്മദാബാദ് : ഗുജറാത്തിലെ ജാംനഗിൽ എത്തിയ പ്രധാനമന്ത്രി നരേന്ദ്ര മോദി സ്വന്തം നാട്ടുകാരെ കാണാൻ കാറിൽ നിന്നിറങ്ങി വന്ന വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ പ്രചരിക്കുന്നത്. മൂന്ന് ദിവസത്തെ സന്ദർശനത്തിനായി ഗുജറാത്തിൽ എത്തിയതായിരുന്നു അദ്ദേഹം. വിവിധ പദ്ധതികളുടെ ഉദ്ഘാടനത്തിനായി അദ്ദേഹം ജംനാനഗറിൽ എത്തി. മോദിയെ കാണാൻ ആയിരങ്ങളാണ് അവിടെ തടിച്ചുകൂടിയത്.
തന്റെ നാട്ടിലെ ജനങ്ങളെ നേരിട്ട് കാണാൻ അദ്ദേഹം കാറിൽ നിന്നിറങ്ങി അടുത്ത് ചെന്നു. ഇതോടെ മോദി മോദി വിളികളും ഉച്ചത്തിൽ ഉയർന്നു. ഇതിനിടെയാണ് ഒരു മദ്ധ്യവയസ്കൻ മോദിക്ക് സമ്മാനവുമായി എത്തിയത്.
അമ്മ ഹീരാബെൻ മോദി പ്രധാനമന്ത്രിയെ തലയിൽ കൈ വെച്ച് അനുഗ്രഹിക്കുന്ന പെയിന്റിങ്ങായിരുന്നു അത്. ഈ ചിത്രം അയാൾ പ്രധാനമന്ത്രിക്ക് സമ്മാനിച്ചു. തുടർന്ന് അടുത്ത ചിത്രത്തിൽ മോദിയുടെ ഓട്ടോഗ്രാഫും വാങ്ങി. വീഡിയോ സമൂഹമാദ്ധ്യമങ്ങളിൽ ഉൾപ്പെടെ വ്യാപകമായി പ്രചരിക്കുകയാണ്.
Comments