മെലിഞ്ഞ് ശോഷിച്ചിരിക്കുന്നവരുടെ ഏറ്റവും വലിയ ആഗ്രഹങ്ങളിൽ ഒന്നാണ് ശരീരം പുഷ്ടിപ്പെടുകയെന്നത്. നിരന്തരമായി ബോഡി ഷെയ്മുകളും പരിഹാസങ്ങളും അനുഭവിക്കുന്ന ഇത്തരക്കാർക്കിടയിൽ തടി വെക്കുകയെന്നത് നടക്കാത്ത കാര്യമായി തോന്നാം. എന്ത് കഴിച്ചാലും വണ്ണം വെക്കുന്നില്ലെന്ന് തോന്നുന്നതാണ് ഇത്തരക്കാരുടെ പ്രത്യേകത. അവർക്ക് വളരെ എളുപ്പത്തിൽ ഭാരം കൂട്ടാനുള്ള മാർഗമെന്താണെന്ന് നോക്കാം..
ഇതിനായി ദിവസവും ഒരു ഷെയ്ക്ക് കുടിക്കാം..
നേന്ത്രപ്പഴം, പീനട്ട് ബട്ടർ, ബൂസ്റ്റ് അല്ലെങ്കിൽ ഹോർലിക്സ്, പാൽ എന്നിവയാണ് ഷെയ്ക്കിനാവശ്യമായ ചേരുവകൾ. ഒരു നേന്ത്രപ്പഴം കഷ്ണങ്ങളാക്കി എടുക്കുക, അതിലേക്ക് രണ്ട് ടീസ്പൂൺ പീനട്ട് ബട്ടർ, ആവശ്യത്തിന് ബൂസ്റ്റ് പൗഡർ, ഒരു ഗ്ലാസ് പാൽ എന്നിവ ചേർത്ത് മിക്സിയിൽ അടിക്കുക. സ്വാദിഷ്ടമായ ഷെയ്ക്ക് തയ്യാറായി കഴിഞ്ഞു. ഇനിയിത് ദിവസവും ഒരു നേരം കുടിക്കാവുന്നതാണ്. മൂന്ന് നേരം ഭക്ഷണം കഴിക്കുന്നതിന് പുറമേയാണ് ഈ ഷെയ്ക്ക് കുടിക്കേണ്ടത്. അതിനാൽ വൈകിട്ട് ചായ കുടിക്കുന്ന സമയത്തോ രാവിലെ ബ്രേക്ക് ഫാസ്റ്റിന് ശേഷമോ ഇത് കുടിക്കാവുന്നതാണ്.
നിറയെ കലോറിയടങ്ങിയ, വളരെയധികം കട്ടിയുള്ള ഭക്ഷണമാണ് ഈ ഷെയ്ക്ക് എന്നതിനാൽ ചിലരുടെ വയറിന് ഇത് ദഹനക്കേട് ഉണ്ടാക്കാൻ സാദ്ധ്യതയുണ്ട്. ദഹിക്കാൻ ഏറെ സമയമെടുക്കുന്നതിനാലാണ് ഇത് സംഭവിക്കുന്നത്. പീനട്ട് ബട്ടറും പാലും ഒരുമിച്ച് ചേരുന്നത് ചിലരിൽ പ്രശ്നങ്ങളുണ്ടാക്കാം. അതുകൊണ്ട് നിങ്ങളുടെ ഡോക്ടറോട് ചോദിച്ച് അനുവാദം വാങ്ങിയതിന് ശേഷം മാത്രം ഷെയ്ക്ക് പരീക്ഷിക്കുക. ഇത്തരത്തിൽ ഒരാഴ്ച ഈ ഷെയ്ക്ക് കുടിച്ചാൽ ഒരു കിലോയോളം തൂക്കം വെക്കുമെന്നാണ് ആരോഗ്യവിദഗ്ധർ പറയുന്നത്.
Comments