എറണാകുളം: നെടുമ്പാശ്ശേരിയിൽ വൻ സ്വർണവേട്ട. ഒളിപ്പിച്ച് കടത്താൻ ശ്രമിച്ച ലക്ഷങ്ങളുടെ സ്വർണം പിടികൂടി. സംഭവത്തിൽ കോഴിക്കോട് കൊടുവള്ളി സ്വദേശി അബ്ദുൾ ജലീലിനെ കസ്റ്റംസ് കസ്റ്റഡിയിൽ എടുത്തു.
ക്യാപ്സൂൾ രൂപത്തിലാക്കിയായിരുന്നു ഇയാൾ സ്വർണം കടത്താൻ ശ്രമിച്ചത്. ഈ ക്യാപ്സൂളുകൾ അടിവസ്ത്രത്തിൽ ഉൾപ്പെടെ ഒളിപ്പിച്ചു. എന്നാൽ ഇത് സുരക്ഷാ പരിശോധനയ്ക്കിടെ കസ്റ്റംസ് പിടികൂടുകയായിരുന്നു.
1066 ഗ്രാം സ്വർണമാണ് ഇയാൾ കടത്താൻ ശ്രമിച്ചത്. അബ്ദുൾ ജലീലിന്റെ പക്കൽ നിന്നും നാല് ക്യാപ്സൂളുകൾ പിടിച്ചെടുത്തു. ദോഹയിൽ നിന്നാണ് ഇയാൾ എത്തിയത് എന്ന് കസ്റ്റംസ് അറിയിച്ചു. സംഭവവുമായി ബന്ധപ്പെട്ട് ഇയാളെ വിശദമായി ചോദ്യം ചെയ്തുവരികയാണ്.
കഴിഞ്ഞ ദിവസം കരിപ്പൂർ, കണ്ണൂർ വിമാനത്താവളങ്ങളിൽ നിന്നും സ്വർണം പിടികൂടിയിരുന്നു.
