അബുദാബി : അബുദാബിയിൽ വൈദ്യുതി, പ്രകൃതി വാതക നിരക്കിൽ ഇളവ് വരുത്താൻ തീരുമാനിച്ചതായി അധികൃതർ അറിയിച്ചു. വ്യവസായ സ്ഥാപനങ്ങളുടെ സാമ്പത്തിക ആഘാതം കുറച്ച് ഉൽപാദനം വർധിപ്പിക്കുന്നതിനുള്ള ഉത്തേജക പദ്ധതിയുടെ രണ്ടാം ഘട്ടത്തിന്റ ഭാഗമായാണ് നടപടി.
അബുദാബി സാമ്പത്തിക വികസന വിഭാഗത്തിന്റെ എനർജി താരിഫ് ഇൻസെന്റീവ് പ്രോഗ്രാമിലൂടെയാണ് വൈദ്യുതി, പ്രകൃതി വാതക നിരക്കിൽ ഇളവ്‌നൽകാൻ തീരുമാനിച്ചത്. കൊറോണ ആഘാതത്തെ തുടർന്ന് 2019 ൽ പ്രഖ്യാപിച്ച ഇളവിന്റെ തുടർച്ചയാണിത്. സ്ഥാപനത്തിന്റെ സാമ്പത്തിക ആഘാതം, സ്വദേശിവൽക്കരണ നിരക്ക്, വിദഗ്ധ ജോലിക്കാരുടെ എണ്ണം, ഊർജോപയോഗത്തിലെ കാര്യക്ഷമത എന്നിവ അടിസ്ഥാനമാക്കിയാണ് ഗ്യാസിനും വൈദ്യുതിക്കും ഇളവു നൽകുക.
Comments