വളർച്ചയുടെ കാലഘട്ടമാണ് കുട്ടിക്കാലം. ശാരീരികമായും മാനസികമായും വളർച്ച നേടുന്ന പ്രായത്തിൽ കുട്ടികൾക്ക് അനിവാര്യമായ ഒന്നാണ് ഭക്ഷണം. ആരോഗ്യകരമായ ആഹാരമുണ്ടെങ്കിൽ മാത്രമാണ് ആരോഗ്യകരമായ ഭാവിയുമുണ്ടാകൂ. പായ്ക്കറ്റിൽ ലഭിക്കുന്നതും കുപ്പിയിൽ ലഭിക്കുന്നതുമായ ആഹാരത്തിന്റെ പിറകെ പോകാതെ വീട്ടിൽ ലഭ്യമാകുന്ന പോഷക സമൃദ്ധമായ ആഹാരമാണ് കുട്ടികൾക്ക് നൽകേണ്ടത്.
വളർച്ചയെന്നാൽ തൂക്കം കൂടുന്നതിനെക്കാൾ ഉയരം വയ്ക്കുകയെന്നതാണ്. കാരണം നിശ്ചിത പ്രായം മാത്രമെ ഒരാൾക്ക് ഉയരം വെയ്ക്കുകയുള്ളു. എന്നാൽ ഏത് പ്രായത്തിലും ഏറ്റകുറച്ചിലുകൾ ഉണ്ടാകുന്ന ഒന്നാണ് ശരീരഭാരമെന്നത്. പല ഘടകങ്ങൾ ചേർന്നാണ് ഉയരത്തെ തീരുമാനിക്കുന്നത്. സ്ത്രീയ്ക്ക് 18 വയസ്സുവരെയും പുരുഷന് 21 വയസ്സുവരെയുമാണ് ഉയരം വെയ്ക്കുക. ശരാശരി സ്ത്രീയ്ക്ക് 5 അടി 6 ഇഞ്ചും പുരുഷന് 5 അടി 7 ഇഞ്ച് ഉയരവുമാണ് ആവശ്യം. ഉയരം വർദ്ധിപ്പിക്കാൻ കഴിയുന്ന ഒന്നാണെന്ന് യാഥാർത്ഥ്യം മനസിലാക്കി അത്തരം രീതിയിലുള്ള ആഹാരം കുട്ടികൾക്ക് നൽകിയാൽ ഉയരം വർദ്ധിപ്പിക്കാം. പാരമ്പര്യം, വ്യായാമം, ഭക്ഷണം എന്നിവ ഇതിൽ സുപ്രധാന പങ്ക് വഹിക്കുന്നു. ഒരു വ്യക്തിയുടെ ഉയരവും കഴിക്കുന്ന ഭക്ഷണരീതിയും തമ്മിൽ നേരിട്ട് ബന്ധമുണ്ടെന്ന യാഥാർത്ഥ്യം പലർക്കുമറിയില്ല.
ഇത്തരത്തിൽ കുട്ടികളെ പൊക്കമുള്ളവരാക്കി മാറ്റുന്ന ആഹാര പദാർത്ഥങ്ങൾ എന്തൊക്കെയാണെന്ന് നോക്കാം.
മീൻ: ഉയരം വർദ്ധിപ്പിക്കാൻ സഹായിക്കുന്ന പ്രധാന പോഷകമാണ് ഒമേഗ 3 ഫാറ്റി ആസിഡുകൾ ധാരാളമുള്ള ഭക്ഷണമാണ് മീൻ. ഇതിന് പുറമെ കാൽസ്യം, ഫോസ്ഫറസ്, സേലനിയം, അയേൺ എന്നിവയെല്ലാം അടങ്ങിയിരിയ്ക്കുന്നു. 2017-ലെ പഠന റിപ്പോർട്ട് പ്രകാരം കുട്ടികൾക്ക് ഉയരം വർദ്ധിപ്പിയ്ക്കുന്നതിന് പുറമേ ഹൃദയാരോഗ്യം, പ്രതിരോധശേഷി, മസ്തിഷ്ക വളർച്ചയ്ക്കും പ്രവർത്തനത്തിനും ഗുണകരമാണ് മീൻ.
മുട്ട : പ്രാട്ടീനിന്റെ കലവറയാണ് മുട്ട. ഇവയുടെ വെളുത്ത ആൽബുമനിൽ 100 ശതമാനം പ്രോട്ടീൻ അടങ്ങിയിട്ടുണ്ടെങ്കിലും മഞ്ഞക്കരുവിൽ കൊഴുപ്പ് അടങ്ങിയിരിക്കുന്നതിനാൽ ഒഴിവാക്കുന്നതാണ് ഉത്തമം. മുട്ടയിൽ ഉയരം വെയ്ക്കാൻ സഹായിക്കുന്ന പോഷകമായ വിറ്റാമിൻ ബി 2 അടങ്ങിയിട്ടുണ്ട്. ഉയരം കൂട്ടാൻ ചെറുപ്പം മുതലേ 2-4 മുട്ടകൾ കുട്ടികളുടെ ഭക്ഷണത്തിൽ ഉൾപ്പെടുത്തണം.
സോയാബീൻ : സസ്യാഹാരത്തിൽ പ്രോട്ടീൻ കൂടുതൽ അടങ്ങിയിരിക്കുന്നത് സോയാബീനിലാണ്. എല്ലുകളുടെ വളർച്ചയ്ക്ക് സഹായിക്കുന്ന പ്രധാന ആഹാരമാണ് ഇത്. ദിവസവും 50 ഗ്രാം സോയബീൻ വീതം കഴിച്ചാൽ ഉയരം വർദ്ധിക്കുമെന്നാണ് ആരോഗ്യ വിദഗ്ധർ വ്യക്തമാക്കുന്നത്.
വാഴപ്പഴം : വളർച്ചയെ ഉത്തേജിപ്പിക്കുന്ന പോഷകങ്ങളായ പൊട്ടാസ്യം, മാംഗനീസ്, കാൽസ്യം, ലയിക്കുന്ന നാരുകൾ, വിറ്റാമിൻ ബി 6, സി, എ, തുടങ്ങിയ അവശ്യ പോഷകങ്ങളാൽ സമ്പന്നമാണ് വാഴപ്പഴം. കുട്ടിക്ക് ഉയരം വർദ്ധിപ്പിക്കുന്നതിന് സമീകൃതാഹാരം തിരഞ്ഞെടുക്കുമ്പോൾ ഒഴിച്ചുകൂടാൻ പാടില്ലാത്ത ഒന്നാണിത്. ഉയരം വർദ്ധിപ്പിയ്ക്കുന്നതിന് പുറമേ ബാലൻസ്ഡ് ഡയറ്റ് കൂടിയാണിത്.
ജാഗ്രത…! സസ്യാഹാരം കഴിക്കുന്നവർക്ക് മുന്നറിയിപ്പുമായി ഗവേഷകർ
ഇലക്കറികൾ : വൈറ്റമിൻ എ, സി, കെ, ഫൈബർ, ഫോളേറ്റ്, മഗ്നീഷ്യം, കാൽസ്യം എന്നിവയെല്ലാം തന്നെ ഇതിൽ അടങ്ങിയിട്ടുമുണ്ട്. ഇതെല്ലാം കുട്ടിയുടെ ഉയരം വർദ്ധിപ്പിയ്ക്കുന്നതിൽ പ്രധാന പങ്ക് വഹിയ്ക്കുന്നു.
പാലുൽപന്നങ്ങൾ : പാൽ, തൈര്, പനീർ, ബട്ടർ, നെയ്യ് എന്നിവയെല്ലാം തന്നെ എല്ലുകളുടെ വളർച്ചയ്ക്ക് സഹായിക്കുന്നവയാണ്. ഇവ കാൽസ്യം സമ്പുഷ്ടമാണ്. കാൽസ്യം ശരീരം വലിച്ചെടുക്കാൻ വേണ്ട വൈറ്റമിൻ ഡിയും ഇവയിൽ അടങ്ങിയിരിയ്ക്കുന്നുണ്ട്. വൈറ്റമിൻ ഡിയുടെ കുറവ് ഉയരക്കുറവിന് കാരണമാകുന്നു. വൈറ്റമിൻ ഡിയുടെ സ്വാഭാവിക ഉറവിടമാണ് സൂര്യപ്രകാശം. ഇതിനാൽ കുട്ടികൾക്ക് സൂര്യപ്രകാശം ലഭിയ്ക്കുകയെന്നതും പ്രധാനമാണ്. ഇതു പോലെ ധാന്യങ്ങളും നല്ലതാണ്. ബ്രൗൺ റൈസ്, ചോളം, തവിടുള്ള ഗോതമ്പ് എന്നിവയെല്ലാം ഗുണം നൽകുന്നവയാണ്.
Comments