പെർത്ത്: ട്വന്റി 20 ലോകകപ്പിലെ ഇന്ത്യയുടെ മത്സരങ്ങൾക്ക് മുന്നോടിയായുള്ള പരിശീലന സെഷനിൽ താരമായി 11 വയസ്സുകാരൻ ദ്രുശീൽ ചൗഹാൻ. ക്ലാസിക് ബൗളിംഗ് ആക്ഷനിലൂടെയായിരുന്നു ദ്രുശീൽ ഏവരുടെയും ശ്രദ്ധ പിടിച്ചു പറ്റിയത്. നെറ്റ്സിൽ തനിക്കെതിരെ ബൗൾ ചെയ്യാൻ ഇന്ത്യൻ ക്യാപ്ടൻ രോഹിത് ശർമ്മ ദ്രുശീലിനെ ക്ഷണിക്കുകയും ചെയ്തു.
തനതായ റണ്ണപ്പും സ്വാഭാവികമായ സ്വിംഗുമാണ് ആ കുട്ടിയുടെ പ്രത്യേകതകൾ. അവന്റെ പന്തുകൾ സ്ഥിരമായി ബാറ്റിനെ ബീറ്റ് ചെയ്തു കൊണ്ടിരുന്നു. ഇത് കണ്ട രോഹിത് അവനെ നെറ്റ്സിലേക്ക് ബൗൾ ചെയ്യാൻ ക്ഷണിച്ചു. ആവേശകരമായിരുന്നു ആ കാഴ്ച. ബിസിസിഐ പ്രതിനിധി ദേശീയ മാദ്ധ്യമത്തോട് പറഞ്ഞു.
പരിശീലന സെഷന് ശേഷം ദ്രുശീലിനെ ഇന്ത്യൻ ടീം, തങ്ങളുടെ ഡ്രസിംഗ് റൂമിലേക്ക് കൂട്ടിക്കൊണ്ട് പോയി. അവിടെ കളിക്കാരുമായും പരിശീലകരുമായും ദ്രുശീൽ കുറച്ച് സമയം ചിലവഴിക്കുകയും ചെയ്തു.
𝗗𝗢 𝗡𝗢𝗧 𝗠𝗜𝗦𝗦!
When a 11-year-old impressed @ImRo45 with his smooth action! 👌 👌
A fascinating story of Drushil Chauhan who caught the eye of #TeamIndia Captain & got invited to the nets and the Indian dressing room. 👏 👏 #T20WorldCup
Watch 🔽https://t.co/CbDLMiOaQO
— BCCI (@BCCI) October 16, 2022
ഇന്ത്യൻ ടീമിനോടൊപ്പം സമയം ചിലവഴിക്കാൻ കഴിഞ്ഞത് മികച്ച അനുഭവമായിരുന്നുവെന്ന് ദ്രുശീൽ അഭിപ്രായപ്പെട്ടു. ഇൻസ്വിംഗിംഗ് യോർക്കറുകളും ഓട്സ്വിംഗറുകളുമാണ് തന്റെ പ്രിയപ്പെട്ട ഡെലിവറികളെന്നും ദ്രുശീൽ പറഞ്ഞു. ഓസ്ട്രേലിയയിലെ പെർത്തിൽ താമസിക്കുന്ന ദ്രുശീൽ, വലുതാകുമ്പോൾ ഇന്ത്യയിൽ എത്തണമെന്നും, ഇന്ത്യൻ ടീമിനായി കളിക്കണമെന്നും ആഗ്രഹം പ്രകടിപ്പിച്ചു. ഇന്ത്യൻ താരങ്ങളുടെ കൈയ്യൊപ്പോട് കൂടിയ സമ്മാനങ്ങളും നൽകിയാണ് ടീം ഇന്ത്യ ദ്രുശീലിനെ മടക്കി അയച്ചത്.
