കേൾക്കുമ്പോൾ തമാശയെന്ന് തോന്നുമെങ്കിലും മലബന്ധമെന്നത് ഗൗരവകരമായ കാര്യമാണ്. അനാരോഗ്യകരമായ ആഹാരശീലങ്ങളും,ജീവിത ശൈലിയും തുടങ്ങി അനേകം കാര്യങ്ങളാണ് മലബന്ധത്തിന് കാരണമാകുന്നത്. ഏറെ സമയമാണ് ഇത് കാരണം പലരും ടോയ്ലറ്റിൽ ചിലവഴിക്കുന്നത്. പത്രം വായിച്ചും ഫോൺ നോക്കിയും പാട്ടുപാടിയും ദിവാസ്വപ്‌നം കണ്ടും മണിക്കൂറുകളാണ് ടോയ്ലറ്റിൽ ഇങ്ങനെ ചെലവഴിക്കുന്നത്. ഇത് ഒഴിവാക്കാൻ ഭക്ഷണകാര്യങ്ങളിൽ മാറ്റം വരുത്തുന്നതിനോടൊപ്പം തന്നെ ടോയ്‌ലറ്റ് ഉപയോഗിക്കുന്നതിന്റെ രീതിയിലും മാറ്റം വരുത്തേണ്ടതുണ്ട്. ശരിയായി ടോയ്‌ലറ്റ് ഉപയോഗിച്ചാൽ മണിക്കൂറുകൾ ചെലവഴിക്കുന്നത് ഒഴിവാക്കാം.
മലാശയത്തിന് സമീപമുള്ള പ്യൂബോറെക്ടൽ മസിലുകളാണ് വിസർജ്യം പോകുന്നതിനെ സ്വാധീനിക്കുന്നത്.ഈ മസിലുകൾ റിലാക്സ് ആകുമ്പോഴാണ് വിസർജ്ജനം സുഗമമായി പോകുന്നത്. ക്ലോസറ്റ് ഉപയോഗിക്കുന്ന പൊസിഷൻ ശരിയല്ലെങ്കിൽ ഈ മസിലുകൾ വല്ലാതെ ടൈറ്റാകും.ഇത് മലാശയഭാഗം ചെരിഞ്ഞ് പോകുന്നതിന് കാരണമാകും. ഇത് മലബന്ധത്തിലേക്കാണ് വഴി വെയ്‌ക്കുന്നത്.
ഇന്ത്യൻ ടോയ്ലറ്റിൽ നാം ഇരു വശത്തും കാലുകൾ കുത്തി വച്ച് ഇരിക്കുമ്പോൾ മസിലുകൾ റിലാക്സ് ആയി മലം പെട്ടെന്ന് പോകും. എന്നാൽ യൂറോപ്യൻ ക്ലോസറ്റിൽ സ്റ്റൂളിലോ മറ്റോ ഇരിയ്‌ക്കുന്ന രീതിയാണ്. ഇതിലൂടെ പ്യൂബോമസിലുകൾ റിലാക്സാകില്ല. വിസർജനം കൃത്യമായി പോകില്ല. മലം പോകാതിരിയ്‌ക്കുമ്പോൾ കൂടുതൽ ബലം കൊടുക്കും. ഇത് നടുവേദന, ഫിഷർ, പൈൽസ് പോലുള്ള അവസ്ഥകളും മുറിവുകളുമുണ്ടാക്കുന്നു.
എന്നാൽ കൃത്യമായി ഉപയോഗിച്ചാൽ യൂറോപ്യൻ ക്ലോസറ്റും മലവിസർജനത്തിന് തടസമാകില്ല. ചെറിയ സ്റ്റുളിൽ കാൽ കയറ്റി വച്ച് യൂറോപ്യൻ ക്ലോസറ്റിൽ ഇരിയ്‌ക്കാം. ഇതു പോലെ അൽപ്പം മുന്നോട്ട് ആഞ്ഞിരിയ്‌ക്കുക. അതായത് കാലുകൾ ഒരടി നീളമുള്ള സ്റ്റൂൾ ക്ലോസറ്റിന്റെ മുന്നിൽ ഇടുക. ഇതിൽ കാലുകൾ രണ്ടും മുന്നോട്ടു തന്നെ ഒരുമിച്ച് വച്ച് വയ്‌ക്കാം. ഇരു വശത്തേയ്‌ക്കും വയ്‌ക്കേണ്ടതില്ല. അൽപം മുന്നോട്ടു കൂടി ആഞ്ഞിരുന്നാൽ ഏതാണ്ട് ഇന്ത്യൻ ക്ലോസറ്റിന്റെ രീതി വരും. ഇത് മസിലുകളെ റിലാക്സ് ചെയ്ത് ശോധന ശരിയാക്കും.
