മെൽബൺ: യുഎഇയ്‌ക്ക് ചരിത്രവിജയം. നമീബിയയുടെ ലോകകപ്പ് സ്വപ്‌നം തകർത്താണ് മലയാളി നായകന്റെ കീഴിൽ യുഎഇ യോഗ്യതാ റൗണ്ടിൽ ആദ്യ ജയം സ്വന്തമാക്കിയത്. 7 റൺസിന്റെ ആവേശകരമായ ജയമാണ് അറബ് ടീം നേടിയത്.
ഐസിസി ടൂർണമെൻറിൽ ആദ്യമായാണ് യുഎഇ ഒരു മത്സരം ജയിക്കുന്നത്. ആദ്യം ബാറ്റ് ചെയ്ത യുഎഇ 149 റൺസാണ് എടുത്തത്. നമീബിയ 141 റൺസിൽ വീണു. ഇതിന് മുമ്പ് ലോക കപ്പിനായി കളിച്ച അഞ്ച് മത്സരങ്ങളിലും യുഎഇ തോൽവി രുചിച്ചിരുന്നു.
നെതർലാൻഡ്‌സിനോടും ശ്രീലങ്കയോടും തോറ്റാണ് യുഎഇ യോഗ്യതാ മത്സരത്തിൽ ഇത്ത വണ നമീബിയയ്‌ക്കെതിരെ ഇറങ്ങിയത്. യുഎഇയ്‌ക്കായി 50 റൺസ് നേടിയ മുഹമ്മദ് വസീമും 43 റൺസ് നേടിയ റിസ്വാനും 25 റൺസ് നേടിയ ഹമീദുമാണ് തിളങ്ങിയ ബാറ്റർമാർ. നമീബിയയ്‌ക്ക് വേണ്ടി ഡേവിഡ് വീസെ 50 റൺസ് നേടി.
