കൊച്ചി: ബലാത്സംഗ കേസിൽ പെരുമ്പാവൂർ എംഎൽഎ എൽദോസ് കുന്നപ്പിള്ളിയുടെ ഇന്നത്തെ ചോദ്യം ചെയ്യൽ അവസാനിച്ചു.ഇനി തിങ്കളാഴ്ച ഹാജരാകാൻ നിർദേശം നൽകി. എൽദോസ് കുന്നപ്പിള്ളി ചോദ്യങ്ങൾക്ക് വ്യക്തമായ മറുപടി നൽകുന്നില്ലെന്നും ക്രൈം ബ്രാഞ്ച് വ്യക്തമാക്കി. യുവതിയുടെ പരാതിയിൽ പറയുന്ന കാര്യങ്ങൾ സംബന്ധിച്ച് വിശദമായി ചോദിച്ചറിയുകയാണ് അന്വേഷണ സംഘത്തിന്റെ ലക്ഷ്യം.
മുൻകൂർ ജ്യാമത്തിലെ ഉപാധി പ്രകാരം രാവിലെ 9 മണിയോടെയാണ് കുന്നപ്പിള്ളി ചോദ്യം ചെയ്യലിന് ഹാജരായത്. രാത്രി 7 മണി വരെയായിരുന്നു ചോദ്യം ചെയ്യൽ . ഫോൺ അന്വേഷണ സംഘത്തിന് കൈമാറി. പാസ്പോർട്ട് കോടതിയിൽ ഹാജരാക്കുമെന്നും എംഎൽഎ യുടെ അഭിഭാഷകൻ പറഞ്ഞിരുന്നു.
ഇന്ന് മുതൽ പത്ത് ദിവസത്തേയ്ക്കാണ് എംഎൽഎ തിരുവനന്തപുരം ജില്ലാ ക്രൈം ബ്രാഞ്ചിന് മുന്നിൽ ഹാജരാകുക. അന്വേഷണ സംഘത്തിന് മുന്നിൽ കീഴടങ്ങി അന്വേഷണവുമായി സഹകരിക്കണമെന്നായിരുന്നു കോടതിയുടെ ഉത്തരവ്.
Comments