തെന്നിന്ത്യ കണ്ട ഏറ്റവും വലിയ വിവാഹമായിരുന്നു ലേഡി സൂപ്പർസ്റ്റാർ നയൻതാരയുടെയും വിഘ്നേശ് ശിവന്റെയും. പിന്നാലെ തങ്ങൾ ഇരട്ടക്കുട്ടികളുടെ മാതാപിതാക്കളായെന്നും വെളിപ്പെടുത്തിയിരുന്നു. താരങ്ങളുടെ വെളിപ്പെടുത്തൽ ആരാധകർ ഏറ്റെടുത്തതിന് പിന്നാലെ വലിയ വിവാദങ്ങൾക്കും തിരി തെളിച്ചു. വാടക ഗർഭധാരണം സംബന്ധിച്ച് താരങ്ങൾ നിയമം ലംഘിച്ചുവോ എന്നതായിരുന്നു വാർത്തകൾ. ഇപ്പോഴിതാ തങ്ങളുടെ കുട്ടികളെ ചേർത്ത് പിടിച്ച് ആരാധകർക്ക് ദീപാവലി ആശംസകൾ അറിയിച്ചിരിക്കുകയാണ് താരദമ്പതികൾ. തങ്ങളുടെ സമൂഹമാദ്ധ്യമ അക്കൗണ്ടികളിലാണ് ഇരുവരും വീഡിയോ പങ്കുവെച്ചിരിക്കുന്നത്. എല്ലാവർക്കും ദീപാവലി ആശംസകൾ എന്നാണ് താരങ്ങൾ പറയുന്നത്. വിഘ്നേശ് പറയുന്ന വാക്കുകൾ ഏറ്റു പറയുകയാണ് നയൻതാര. വീഡിയോയുടെ അവസാനം നയതാരയെ വിഘ്നേശ് ചുംബിക്കുന്നതും കാണാം. ഇരുവരുടെയും വീഡിയോ ആരാധകർ ഏറ്റെടുത്തു കഴിഞ്ഞു.
Wishing you all A very Happy Diwali 🪔 #HappyThalaDiwali #HappyDiwali pic.twitter.com/UDL4yWesPg
— Nayanthara✨ (@NayantharaU) October 24, 2022
വിവാഹം കഴിഞ്ഞ് നാല് മാസങ്ങൾക്ക് ശേഷമാണ് ഇരട്ട ആൺകുഞ്ഞുങ്ങൾ പിറന്ന വിവരം താരദമ്പതികൾ പങ്കുവെച്ചത്. സംഭവം വലിയ ചർച്ചയായതോടെ വാടക ഗർഭധാരണത്തിലൂടെയാണെന്ന് ഇരുവരും വ്യക്തമാക്കുകയായിരുന്നു. ഇതോടെയാണ് തമിഴ്നാട് സർക്കാർ അന്വേഷണവും പ്രഖ്യാപിച്ചു. അന്വേഷണത്തിന് പിന്നാലെ ആറ് വർഷങ്ങൾക്ക് മുമ്പ് താനും സംവിധായകൻ വിഘ്നേശ് ശിവനുമായുള്ള വിവാഹം കഴിഞ്ഞതായി നയൻതാര വെളിപ്പെടുത്തി. വാടക ഗർഭധാരണത്തെക്കുറിച്ചുള്ള തമിഴ്നാട് ആരോഗ്യ വകുപ്പിന് നൽകിയ സത്യവാങ്മൂലത്തിലാണ് ഇക്കാര്യം അറിയിച്ചിരിക്കുന്നത്.
2016 ൽ വിഘ്നേശ് ശിവനുമായുള്ള വിവാഹം രജിസ്റ്റർ ചെയ്തെന്നാണ് നയൻതാര സത്യവാങ്മൂലത്തിൽ വ്യക്തമാക്കുന്നത്. ഇതുമായി ബന്ധപ്പെട്ട രേഖകളും താര ദമ്പതികൾ സത്യവാങ്മൂലത്തോടൊപ്പം സമർപ്പിച്ചിട്ടുണ്ട്. കഴിഞ്ഞ ഡിസംബറിലാണ് വാടക ഗർഭധാരണത്തിനായുള്ള നടപടികൾ തുടങ്ങിയതെന്നും താരം വ്യക്തമാക്കുന്നു. വാടക ഗർഭധാരണത്തിൽ താര ദമ്പതികൾക്കെതിരെ നിലവിൽ തമിഴ്നാട് സർക്കാരിന്റെ അന്വേഷണം പുരോഗമിക്കുകയാണ്.
Comments