ന്യൂഡൽഹി: കറൻസി നോട്ടുകളിൽ ലക്ഷ്മി ദേവിയെയും ഗണപതിയെയും ഉൾപ്പെടുത്തണമെന്ന ഡൽഹി മുഖ്യമന്ത്രിയുടെ അഭ്യർത്ഥനയ്ക്ക് പ്രതികരണവുമായി കോൺഗ്രസ് നേതാവ്. സൽമാൻ അസീസ് സോസ് പുതിയ ആവശ്യവുമായാണ് രംഗത്തെത്തിയിരിക്കുന്നത്. അള്ളാഹുവിനെയും യേശുവിനെയും മറ്റും ഉൾപ്പെടുത്തുന്നത് കൂടുതൽ ഐശ്വര്യം കൊണ്ടുവരുമെന്നാണ് സൽമാൻ അനീസ് പറഞ്ഞത്.പരാമർശം വലിയ ട്രോളുകൾക്കാണ് വഴിയൊരുക്കുന്നത്.
കോൺഗ്രസ് നേതാവിന്റെ ട്വീറ്റിന് നിരവധി പ്രതികരണങ്ങളാണ് ലഭിച്ചിരിക്കുന്നത്. അള്ളാഹുവിന്റെ ഒരു പ്രതീകാത്മക ചിത്രം കൂടി താങ്കൾ പങ്കുവെയ്ക്കണമെന്നാണ് ഒരു ട്വിറ്റർ ഉപയോക്താവ് കമന്റ് ചെയ്തത്.
കറൻസികളിൽ മഹാത്മാ ഗാന്ധിയോടൊപ്പം ഹിന്ദു ദൈവങ്ങളുടെ ചിത്രങ്ങൾ കൂടി ചേർക്കണമെന്നാണ് അരവിന്ദ് കെജ്രിവാൾ കേന്ദ്രസർക്കാരിനോട് അഭ്യർത്ഥിച്ചത്. രാജ്യത്തിന് ഐശ്വര്യം വരാൻ ലക്ഷ്മിദേവിയുടേയും ഗണപതിയുടേയും ചിത്രങ്ങൾ ചേർക്കേണ്ടത് അത്യാവശ്യമാണെന്ന് അദ്ദേഹം പറഞ്ഞു.ഇരു ദൈവങ്ങളുടെയും അനുഗ്രഹം ഉണ്ടായാൽ സമ്പദ് വ്യവസ്ഥ കൂടുതൽ മെച്ചപ്പെടുമെന്നും ആംആദ്മി അദ്ധ്യക്ഷൻ വ്യക്തമാക്കിയിരുന്നു.
Comments