സിഡ്നി : ബാറ്റിംഗിൽ കസറിയ സൂര്യകുമാറിന് വീണ്ടും നേട്ടം. നെതർലാന്റ്സിനെതിരെ 25 പന്തിൽ 51 റൺസുമായി പുറത്താകാതെ നിന്ന പ്രകടത്തോടെ സ്കൈ സീസണിലെ റൺവേട്ട ക്കാരിൽ മുമ്പനായി. പാകിസ്താന്റെ മുഹമ്മദ് റിസ്വാനെ മറികടന്നാണ് സീസണിൽ ഏറ്റവു മധികം റൺസ് നേടുന്ന താരമായത്.
സൂര്യകുമാർ 19 ഇന്നിംഗ്സിൽ റിസ്വാൻ നേടിയ 825 റൺസാണ് മറികടന്നിരിക്കുന്നത്. 25 ഇന്നിംഗ്സുകളിലായിട്ടാണ് സൂര്യകുമാർ 867 റൺസിലേയ്ക്ക് എത്തിയത്. 41.28 ശരാശരി യിലുള്ള ബാറ്റിംഗ് പ്രകടനത്തിൽ ഒരു സെഞ്ച്വറിയുമുണ്ട്.
ഐസിസി റാങ്കിംഗിൽ മൂന്നാം സ്ഥാനത്തേയ്ക്ക് പോയ സൂര്യകുമാറിന് ഇന്നത്തെ പ്രകടനം തുണയാകും. ഡെവൺ കോൺവോയ്ക്ക് പിന്നിലാണ് നിലവിൽ സൂര്യകുമാർ. ഐസിസി റാങ്കിംഗിൽ അപ്രതീക്ഷിത മുന്നേറ്റം നടത്തിയത് സിംബാബ്വേയുടെ സിക്കന്ദർ റാസയാണ്. 19 ഇന്നിംഗ്സിലായി റാസ 652 റൺസ് നേടിക്കഴിഞ്ഞു.
Comments