വയനാട് : താമരശ്ശേരിയിൽ വൻ മയക്കുമരുന്ന് വേട്ട. 18 ഗ്രാം എംഡിഎംഎയുമായി അഞ്ചുപേർ അറസ്റ്റിൽ. താമരശ്ശേരി ടൗണിലെ കെട്ടിടത്തിൽ മുറിയെടുത്ത് മയക്കുമരുന്ന് വിൽപ്പന നടത്തുന്ന സംഘത്തിലെ അഞ്ചു പേരാണ് പിടിയിലായത്.
താമരശ്ശേരി പോസ്റ്റ് ഓഫീസിന് എതിർവശത്തുള്ള വീടിനോട് ചേർന്നുള്ള കെട്ടിടത്തിലാണ് മയക്കുമരുന്ന് വിപണനം നടത്തിയിരുന്നത്. കെട്ടിട ഉടമ ഉൾപ്പെടെയാണ് പിടിയിലായത്.
താമരശ്ശേരി വേങ്ങേരി മീത്തൽ വീട്ടിൽ അൽത്താഫ് (49), ചുണ്ടങ്ങാ പൊയിൽ അതുൽ (29), കെട്ടിട ഉടമ സി.വീസ്ഹൗസിൽ ഷാനിദ്(48), വേങ്ങേരി മീത്തൽ ഹൗസിൽ ഷരീഫ് (51), പരപ്പൻ പൊയിൽ അബദുൽ റഷീദ് (48) എന്നിവരെയാണ് അറസ്റ്റ് ചെയ്തത്.
ഇവരുടെ വാഹനങ്ങളും മയക്കുമരുന്ന് വിൽപ്പനക്കും ഉപയോഗത്തിനുമുള്ള വസ്തുക്കളും പോലീസ് കസ്റ്റഡിയിലെടുത്തു.
Comments