അഡ്ലയ്ഡ് :ന്യൂസിലാന്റിനെതിരെ അയർലാന്റ് താരം ജോഷ്വാ ലിറ്റിലിന് ടൂർണ്ണമെന്റിൽ രണ്ടാമത്തെ ഹാട്രിക്. ഇത്തവത്തെ ടൂർണ്ണമെന്റിൽ തന്നെ രണ്ടു തവണ ഹാട്രിക് നേട്ടം താരങ്ങൾ സ്വന്തമാക്കികഴിഞ്ഞു. യുഎഇയുടെ കാർത്തിക് മെയ്യപ്പനാണ് ഇത്തവണ ഹാട്രിക് നേടിയ ആദ്യ താരം.
അയർലാന്റിന്റെ ചരിത്രത്തിൽ രണ്ടാമത്തെ താരമായും അന്താരാഷ്ട്ര തലത്തിൽ ആറാമത്തെ താരവുമായി ഇതോടെ ജോഷ്വ മാറി. ഗ്രൂപ്പ് ഒന്നിലെ മത്സരത്തിലാണ് കിവീസിന്റെ മൂന്ന് വിക്കറ്റുകൾ ജോഷ്വ വീഴ്ത്തിയത്. 2021 ലോകകപ്പിൽ അയർലാന്റിന്റെ തന്നെ കർട്ടിസ് കാംഫറാണ് മുൻപ് ഹാട്രിക് നേടിയത്.
ന്യൂസിലാന്റിന്റെ ഇന്നിംഗ്സിലെ 19-ാം ഓവറിലാണ് ജോഷ്വ ഹാട്രിക് നേടിയത്. 35 പന്തിൽ 61 റൺസ് നേടിയ കെയ്ൻ വില്യംസിനേയും ജെയിംസ് നീഷമിനേയും മിച്ചൽ സാന്റ്നറിനേയുമാണ് ഓവറിലെ രണ്ട്, മൂന്ന്, നാല് പന്തുകളിൽ ജോഷ്വ മടക്കിയത്. 3ന് 174 എന്ന മികച്ച നിലയിൽ നിന്നാണ് കിവീസ് 6ന് 174 ലേ്ക്ക് വീണത്.
സെമി സാദ്ധ്യത നിലനിർത്തിക്കൊണ്ട് ന്യൂസിലാന്റ് 35 റൺസിന് അയർലാന്റിനെ തോൽപ്പിച്ചു. 6ന് 185 നെതിരെ 9 വിക്കറ്റിന് 150 എടുക്കാനേ അയർലാന്റിന് കഴിഞ്ഞുള്ളു.
Comments