അസംഗഡ് : പാകിസ്താൻ അനുകൂല മുദ്രാവാക്യം വിളിച്ച ബി എസ് പി നേതാക്കൾ അറസ്റ്റിൽ. ജഹാനഗഞ്ച് ഏരിയയിൽ തെരഞ്ഞെടുപ്പ് പ്രചാരണത്തിനിടെ പാക് അനുകൂല മുദ്രാവാക്യം വിളിച്ച തദ്ദേശ തെരഞ്ഞെടുപ്പിലെ ബിഎസ്പി സ്ഥാനാർഥി പപ്പു ഖാനെയും അദ്ദേഹത്തിന്റെ അനുയായികളിലൊരാളായ ഖുർഷിദ് അഹമ്മദിനെയുമാണ് പോലീസ് കസ്റ്റഡിയിലെടുത്തത്. സംഭവത്തിന്റെ വീഡിയോ പുറത്ത് വന്നതിനു പിന്നാലെയാണ് അറസ്റ്റ്.
ബിഎസ്പിയുടെ മുൻ എംഎൽഎ ഗുഡ്ഡു ജമാലി ഉൾപ്പെടെ നിരവധി ബിഎസ്പി നേതാക്കളും പ്രവർത്തകരും പാർട്ടി യോഗത്തിന് ശേഷം പ്രദേശത്ത് പ്രചാരണം നടത്തുന്നതിനിടെയാണ് പാകിസ്താൻ സിന്ദാബാദ് മുദ്രാവാക്യങ്ങൾ ഉയർത്തിയത്.വീഡിയോ ക്ലിപ്പ് ഫോറൻസിക് പരിശോധനയ്ക്ക് വിധേയമാക്കുമെന്ന് പോലീസ് പറഞ്ഞു. പ്രചാരണത്തിനോ ജാഥയ്ക്കോ ജില്ലാ ഭരണകൂടത്തിൽ നിന്ന് അനുമതി വാങ്ങിയിട്ടുണ്ടോയെന്നും പോലീസ് പരിശോധിക്കുന്നുണ്ട്.
