വയനാട് : വയനാട്ടിൽ വൻ ലഹരിവേട്ട.ബംഗളൂരുവിൽ നിന്ന് കാറിൽ കൊണ്ടുവന്ന നിരോധിത ലഹരിവസ്തുക്കൾ തിരുനെല്ലിയിൽ പിടിച്ചെടുത്തു. 106 ഗ്രാം എംഡിഎംഎയാണ് പോലീസ് പിടികൂടിയത്. സംഭവത്തിൽ മലപ്പുറം സ്വദേശികളായ മുഹമ്മദ് ഉനൈസ്, മുഹമ്മദ് ഫാരിസ്, അഫ്സീർ എന്നിവർ പിടിയിലായി. ഇവരുടെ വാഹനം പോലീസ് കസ്റ്റഡിയിൽ എടുത്തിട്ടുണ്ട്.
ബംഗളൂരുവിൽ നിന്ന് വാങ്ങിയ മയക്കുമരുന്ന് കേരളത്തിലേക്ക് എത്തിക്കുന്നതിനിടെ കാട്ടിക്കുളത്ത് പോലീസ് പരിശോധനയിൽ കുടുങ്ങുകയായിരുന്നു. സംശയം തോന്നാതിരിക്കാൻ കളിപ്പാട്ടത്തിൽ ഒളിപ്പിച്ചാണ് പ്രതികൾ ഇത് കടത്തിയത്. അടുത്തിടെയായി വയനാട്ടിൽ നടന്ന ഏറ്റവും വലിയ മയക്കുമരുന്ന് വേട്ടകളിൽ ഒന്നാണിത്.
Comments