ഗുവാഹട്ടി: അസം മുഖ്യമന്ത്രി ഹിമന്ത ബിശ്വ ശർമ്മയെ സന്ദർശിച്ച് നടിയും സംവിധായകയുമായ കങ്കണ റണാവത്ത്. എമർജൻസി എന്ന സിനിമയുടെ ചിത്രീകരണവുമായി ബന്ധപ്പെട്ട് അസമിൽ എത്തിയപ്പോഴാണ് ഇരുവരും തമ്മിൽ കൂടിക്കാഴ്ച നടത്തിയത്. ഷൂട്ടിങ്ങിന് പിന്തുണ നൽകിയ അസം മുഖ്യമന്ത്രിക്ക് വളരെയധികം നന്ദിയുണ്ടെന്ന് കൂടിക്കാഴ്ചയുടെ ചിത്രങ്ങൾ പങ്കുവെച്ച കങ്കണ ഇൻസ്റ്റഗ്രാമിൽ കുറിച്ചു.
”ബഹുമാനപ്പെട്ട അസം മുഖ്യമന്ത്രി ഹിമന്ത ബിശ്വ ശർമ്മ ജി, കണ്ടതിൽ വളരെ സന്തോഷം.. എമർജൻസിയുടെ ഔട്ട്ഡോർ ഷൂട്ടുകൾ അസമിലെ വിവിധ മേഖലകളിൽ ചിത്രീകരിക്കുന്നതിന് മുന്നോടിയായി ഞങ്ങളുടെ ടീമിന് മുഖ്യമന്ത്രി നൽകിയ പിന്തുണ വളരെ വലുതാണ്. അദ്ദേഹത്തിന്റെ പ്രോത്സാഹനവും പിന്തുണയും നൽകിയതിന് വളരെയധികം നന്ദി..” കങ്കണ ഇൻസ്റ്റഗ്രാമിൽ കുറിച്ചു.
Happy to have met actor, writer and film maker Kangana Ranaut Ji in my office today.
I'm glad that she will be shooting one of her productions in Assam. I thanked her and assured all help for her production. pic.twitter.com/piDaKOavRJ
— Himanta Biswa Sarma (@himantabiswa) November 5, 2022
കൂടിക്കാഴ്ചയിൽ വളരെയധികം സന്തോഷമുണ്ടെന്ന് അസം മുഖ്യമന്ത്രിയും പ്രതികരിച്ചു. ”അഭിനേത്രിയും എഴുത്തുകാരിയും സംവിധായകയുമായ കങ്കണ റണാവത്ത് ജിയെ ഇന്ന് എന്റെ ഓഫീസിൽ വെച്ച് കണാൻ കഴിഞ്ഞു. സിനിമാ ചിത്രീകരണത്തിനായി എല്ലാവിധ പിന്തുണയും സഹായവും ഉണ്ടാകുമെന്ന് ഉറപ്പുനൽകുകയും ചെയ്തു. ” ശർമ്മ ട്വിറ്ററിൽ കുറിച്ചു. പരമ്പരാഗതമായ ഒരു അസമീസ് ഷാളും കങ്കണയ്ക്ക് മുഖ്യമന്ത്രി സമ്മാനിച്ചു.
നടി കങ്കണ റണാവത്ത് മുൻ പ്രധാനമന്ത്രി ഇന്ദിരാഗാന്ധിയായി വേഷമിടുന്ന ചിത്രമാണ് എമർജൻസി. ചിത്രത്തിന്റെ കഥയും സംവിധാനവും നിർമ്മാണവും കങ്കണ തന്നെയാണ് നിർവഹിക്കുന്നത്. പേര് പോലെ തന്നെ അടിയന്തിരാവസ്ഥ കാലഘട്ടം പശ്ചാത്തലമാക്കുന്ന ചിത്രമാണിത്. കങ്കണയുടെ രണ്ടാമത്തെ സംവിധാന സംരംഭമാണിത്. 2023ൽ ചിത്രം തീയേറ്ററുകളിലെത്തും
Comments