ജോലി കിട്ടിയിട്ട് ഒന്ന് വിശ്രമിക്കണമെന്ന് കരുതുന്നവർ പലരുമുണ്ട് . പറയുന്നത് തമാശയായിട്ടാണെങ്കിലും അവർക്കായി ഇന്ന് പല ജോലികളും നിലവിലുണ്ട് . മുട്ടവിരിഞ്ഞുണ്ടാകുന്ന കോഴിക്കുഞ്ഞുങ്ങൾ ആണോ പെണ്ണോ എന്നു പരിശോധിക്കൽ മുതൽ പാമ്പിന് പാൽ കൊടുക്കുന്നതു വരെ അതിൽ ഉൾപ്പെടും. കൈ നിറയെ ശമ്പളവും കിട്ടും. ലോകത്ത് ഇത്തരത്തിൽ കൗതുകമുള്ള ജോലികൾ ധാരാളമുണ്ട് . അധികം ബുദ്ധിമുട്ടില്ലാത്ത എന്നാൽ കേൾക്കുന്നവർക്ക് അതിശയോക്തി തോന്നുന്നവയാണ് ഇതിൽ മിക്കതും
തീവണ്ടി അടുത്തെത്തുമ്പോൾ യാത്രക്കാരെ കൈമുട്ടുകൊണ്ട് ഒരു തട്ട് തട്ടിയാൽ എന്താകും ഫലം .നമ്മുടെ നാട്ടിലാണെങ്കിൽ അകത്താകും . എന്നാൽ ജപ്പാനിൽ ഇത്തരത്തിൽ യാത്രക്കാരെ ചെറിയൊരു തള്ള് തള്ളി ട്രെയിനിൽ കയറ്റിയാൽ കൈ നിറയെ പണം കിട്ടും . ചുരുക്കി പറഞ്ഞാൽ തള്ളലാണ് ജോലി.
കേരള സർക്കാർ, അനിമൽ ഹസ്ബൻഡറി വകുപ്പിലേക്ക് പി എസ് സി വഴി ആളെ എടുക്കുന്ന ഒരു ജോലിയുണ്ട് . വേറെയൊന്നുമല്ല മുട്ടവിരിഞ്ഞുണ്ടാകുന്ന കോഴിക്കുഞ്ഞുങ്ങൾ ആണോ പെണ്ണോ എന്നു പരിശോധിക്കുക. ഫ്ലോറിഡയിൽ വെള്ളത്തിനടിയിലൊരു ഹോട്ടലുണ്ട്. ഇനിയിപ്പോ നീന്തി കൊണ്ടിരിക്കുമ്പോൾ പിസ കഴിക്കാൻ ആഗ്രഹം തോന്നിയാലും ബുദ്ധിമുട്ടേണ്ട. ആഴക്കടലിൽ പിസ എത്തിക്കാൻ ഡെലിവറി ബോയിയുമുണ്ട്.
പെയിന്റ് അടിച്ചിട്ട് ഉണങ്ങുന്ന സമയം, നിറ വ്യത്യാസം എന്നിവയൊക്കെ നോക്കി മനസ്സിലാക്കുന്നതും ജോലിയായി സ്വീകരിച്ചവരുണ്ട് .പാലൊക്കെ കൊടുത്തു പാമ്പിനെ സോപ്പിട്ട് നിർത്തേണ്ട ഒരു ജോലിയുണ്ട് . പേര് സ്നേക് മിൽക്കർ . വിഷം ഉള്ള പാമ്പുകളിൽ നിന്നു വിഷം ശേഖരിക്കലാണ് ജോലി. ഈ വിഷം ഉപയോഗിച്ചാണ് അതേ വിഷം ഏറ്റാലുള്ള മരുന്നുണ്ടാക്കുന്നത്.
ഫിൻലാൻഡിലെ ഒരു ഹോട്ടൽ ഓരോ രാത്രിയും ഹോട്ടലിലെ ബെഡുകളിൽ കിടന്ന് അതിലെ സുഖം പരീക്ഷിക്കാൻ ജോലിക്കാരെ എടുത്തിരുന്നു . എത്ര സുഖമായി ഉറങ്ങിയെന്നു റിപ്പോ൪ട്ടും നൽകണം.
