സാവോപോളോ: ഇന്ത്യയ്ക്ക് സ്വാതന്ത്ര്യം ലഭിച്ചതിന്റെ എഴുപത്തിയഞ്ചാം വാർഷികത്തിന്റെ ഭാഗമായി പ്രത്യേക പാർലമെന്റ് സമ്മേളനം സംഘടിപ്പിച്ച് ബ്രസീൽ. കേന്ദ്ര വിദേശകാര്യമന്ത്രി വി. മുരളീധരൻ സമ്മേളനത്തെ അഭിസംബോധന ചെയ്യും. ഇതിനായി അദ്ദേഹം ബ്രസീലിൽ എത്തി. രണ്ട് ദിവസത്തെ സന്ദർശനമാണ് വി. മുരളീധരൻ നടത്തുക.
വിമാനത്താവളത്തിലെത്തിയ വി മുരളീധരന് ഊഷ്മളമായ സ്വീകരണം നൽകിയിരുന്നു. ഇതിന് ശേഷം സാവോ പോളോയിലെ സ്വാമി വിവേകാനന്ദ കൾച്ചറൽ സെന്ററിൽ ഇന്ത്യൻ സമൂഹവുമായി അദ്ദേഹം സംവദിച്ചു. ഇന്ത്യയുടെ തനത് നൃത്തരൂപങ്ങൾ ഉൾപ്പെടെ ഇവിടെ അവതരിപ്പിക്കപ്പെട്ടിരുന്നു. ഇന്ത്യയുടെ സമ്പന്നമായ സാംസ്കാരിക പാരമ്പര്യത്തെ ബ്രസീലിലും പ്രോത്സാഹിപ്പിക്കുന്നതിന് ഇന്ത്യൻ അസോസിയേഷനെയും ഇന്ത്യൻ സമൂഹത്തെയും വി. മുരളീധരൻ അഭിനന്ദിച്ചു.
2023 ലെ പ്രവാസി ഭാരതീയ ദിവസ് പരിപാടിയിൽ പങ്കെടുക്കാൻ ബ്രസീലിൽ നിന്നുളള ഇന്ത്യൻ സമൂഹത്തെ ക്ഷണിച്ചതായും അദ്ദേഹം അറിയിച്ചു. ബ്രസീൽ വൈസ് പ്രസിഡൻറുമായും മറ്റ് ഭരണകർത്താക്കളുമായും വി. മുരളീധരൻ കൂടിക്കാഴ്ച നടത്തും.
Comments