ചെന്നൈ: ക്ഷേത്രങ്ങൾ ഭരിക്കേണ്ടത് വിശ്വാസികളായ ഹിന്ദുസമൂഹമാണെന്നും അല്ലാതെ ദൈവനിന്ദകരായ ഭരണകൂടങ്ങളല്ലെന്നും വിശ്വഹിന്ദു പരിഷത്ത് ജനറൽ സെക്രട്ടറി മിലിന്ദ് പരാന്ദെ. രാജ്യം മുഴുവൻ ക്ഷേത്ര ഭരണം കയ്യാളി ഹൈന്ദവ സമൂഹത്തിന്റെ സ്വത്ത് കൈക്കലാക്കൽ മാത്രമാണ് ഭരണകൂടങ്ങൾ ചെയ്യുന്നത്. ക്ഷേത്രം ഭരിക്കേണ്ടതും സമ്പത്ത് കൈകാര്യം ചെയ്യേണ്ടതും ആചാര്യന്മാരും വിശ്വാസികളായ ഭക്തജനങ്ങളുമാണ്. ഒരിടത്തും ക്ഷേത്രം സർക്കാർ ഭരിച്ച് നന്നാക്കിയ ചരിത്രമില്ലെന്നും പരാന്ദെ പരിഹസിച്ചു.
എല്ലാ ക്ഷേത്രങ്ങൾക്കും പരമ്പരാഗതമായ സ്വത്തുണ്ട്. അത് ക്ഷേത്രവും വിഗ്രഹവും കാണിക്കയും മാത്രമല്ല. ക്ഷേത്രം സ്ഥിതി ചെയ്യുന്ന സ്ഥലവും ക്ഷേത്രം പരിപാലിക്കുന്ന കൃഷിയിടങ്ങളുമെല്ലാം ക്ഷേത്ര സ്വത്താണ്. ഹൈന്ദവ വിരുദ്ധരായ സംസ്ഥാന ഭരണകൂടങ്ങൾ എവിടെയൊക്കെ അധികാരത്തിലുണ്ടോ എല്ലാവരും ഒരുപോലെ ക്ഷേത്ര സ്വത്തുക്കൾ കയ്യടക്കുന്നവരാണെന്നും പരാന്ദെ കുറ്റപ്പെടുത്തി.
Comments