വെല്ലിംഗ്ടൺ : കിവീസിനെതിരായ പരിശീലനത്തിലും തന്റെ സ്വതസിദ്ധമായ സിക്സറുകൾ പായിക്കുന്ന സഞ്ജുവിനെ പ്രശംസിച്ച് താരങ്ങൾ. അടിച്ചുകഴിഞ്ഞാൽ പന്ത് എവിടേയ്ക്ക് പോയി എന്ന് നോക്കാത്ത സഞ്ജുവിന്റെ കരുത്തൻ ഷോട്ടുകളാണ് വൈറലാകുന്നത്. ബിസിസിഐ തന്നെ ഔദ്യോഗിക ട്വിറ്ററിൽ സഞ്ജുവിന്റെ അനായാസ ബാറ്റിംഗിന്റെ പരിശീലന വീഡിയോ പുറത്തുവിട്ടിരിക്കുകയാണ്. നാളെയാണ് പരന്പരയിലെ ആദ്യ ടി20 വെല്ലിംഗ്ടണിലെ സ്കൈ സ്റ്റേഡിയത്തിൽ നടക്കുന്നത്.
TICK..TICK..BOOM 💥💥
All charged up for the #NZvIND T20I series opener#TeamIndia 🇮🇳 pic.twitter.com/AsNSTeMqq8
— BCCI (@BCCI) November 17, 2022
നെറ്റിലെ പരിശീലനത്തിനിടെ പല തവണ പന്തിനെ നോക്കാതെയുള്ള സിക്സർ പ്രഹരത്തെ അതിഗംഭീരമെന്നാണ് സഹതാരങ്ങൾ പ്രശംസിക്കുന്നത്. ഒരോ ഷോട്ടിന്റേയും കൃത്യതയും പ്രഹരിക്കുന്ന കരുത്തിനും താരങ്ങൾ ഒപ്പം നിന്നാണ് കയ്യടിക്കുന്നത്. ഒരു ലക്ഷത്തിലേറെ പേരാണ് സഞ്ജുവിന്റെ പരിശീലന വീഡിയോ ഇതുവരെ കണ്ടുകഴിഞ്ഞത്.
ശ്രേയസ് അയ്യരും ദീപക് ഹൂഡയും ഇഷാൻ കിഷനും ശുഭ്മാൻ ഗില്ലുമാണ് സഞ്ജുവിനൊപ്പം വിവിധ നെറ്റുകളിൽ പരിശീലിച്ചു. ലോകകപ്പ് ടി20യിൽ ഒഴിവാക്കപ്പെട്ട സഞ്ജുവിനെ ന്യൂസിലാന്റിനെതിരേയും ബംഗ്ലാദേശിനെതിരേയും വിക്കറ്റ് കീപ്പർ ബാറ്ററായി ഋഷഭ് പ ന്തിനും ഇഷാൻ കിഷനുമൊപ്പം ഉൾപ്പെടുത്തിയിരിക്കുകയാണ്.
