ലക്നൗ: റോഡരികിലെ ട്രോളി ബാഗിനുള്ളിൽ നിന്നും യുവതിയുടെ മൃതദേഹം കണ്ടെത്തി. യുപിയിലെ മഥുര ജില്ലയിലെ യമുന എക്സ്പ്രസ് വേയ്ക്ക് സമീപമുള്ള സർവീസ് റോഡിൽ നിന്നാണ് ഉപേക്ഷിക്കപ്പെട്ട നിലയിൽ ട്രോളി ബാഗ് കണ്ടെത്തിയത്. പൊളിത്തീൻ കവറിൽ പൊതിഞ്ഞ നിലയിലായിരുന്നു മൃതദേഹം ബാഗിനുള്ളിൽ സൂക്ഷിച്ചിരുന്നത്.
അഞ്ചടി രണ്ടിഞ്ച് നീളമുള്ള 22 വയസ് തോന്നിക്കുന്ന യുവതിയാണ് കൊല്ലപ്പെട്ടിരിക്കുന്നതെന്ന് പോലീസ് അറിയിച്ചു. വെടിവെച്ചുകൊലപ്പെടുത്തിയ ശേഷം മൃതദേഹം ട്രോളി ബാഗിനുള്ളിലാക്കി ഉപേക്ഷിച്ചുവെന്നാണ് കരുതുന്നത്. മൃതദേഹത്തിൽ വേറെയും പരിക്കുകളുണ്ട്. അതേസമയം യുവതിയെ ഇതുവരെയും തിരിച്ചറിയാൻ പോലീസിന് കഴിഞ്ഞിട്ടില്ല.
മൃതദേഹം പോസ്റ്റ്മോർട്ടത്തിനായി അയച്ചിരിക്കുകയാണെന്നും കൊലപാതകത്തിന്റെ വിശദാംശങ്ങൾ ഇനിയും ലഭിക്കേണ്ടതുണ്ടെന്നും സർക്കിൾ ഓഫീസർ അലോക് സിംഗ് മാദ്ധ്യമങ്ങളോട് പ്രതികരിച്ചു.
