സോഷ്യൽ മീഡിയയിൽ പാമ്പുകളുടെ പല തരത്തിലുള്ള വീഡിയോകൾ ശ്രദ്ധ നേടാറുണ്ട്. പാമ്പിനെ അതിസാഹസികമായി പിടികൂടുന്നതും പാമ്പ് ഇരയെ വിഴുങ്ങുന്നതുമായ ആയിരക്കണക്കിന് വീഡിയോകളാണ് എന്നും പ്രചരിക്കുക. എന്നാലിപ്പോൾ പാമ്പിനെ കുളിപ്പിക്കുന്ന വീഡിയോയാണ് സോഷ്യൽ മീഡിയയിൽ വൈറലാകുന്നത്. അതും സാധാരണ പാമ്പല്ല , രാജവെമ്പാല തന്നെ.
രാജവെമ്പാലയെ യുവാവ് കുളിപ്പിക്കുന്നതാണ് വീഡിയോയിലുള്ളത്. ഷാംപൂ തേച്ചാണ് യുവാവ് പാമ്പിനെ കുളിപ്പിക്കുന്നത്. ഒരു ഭയവുമില്ലാതെ അതിന്റെ ശരീരത്തിലും തലയിലും ഷാംപൂ തേക്കുന്നതും ഉരയ്ക്കുന്നതും കാണാനാകും. തുടർന്ന് പൈപ്പിലൂടെ വെള്ളമടിച്ച് പാമ്പിനെ കുളിപ്പിച്ച് കുട്ടപ്പനാക്കുന്നുമുണ്ട്. ഇത്തരത്തിൽ ഹൃദയമിടിപ്പിക്കുന്ന ഒരു വീഡിയോ പലരും ആദ്യമായിട്ടായിരിക്കും കാണുന്നത്.
See the bond between the snake and the person.
The background Malayalam song is a movie song where the father gives bath to his kid
Rcvd from WA pic.twitter.com/3RqUfhZINt
— D Prasanth Nair (@DPrasanthNair) November 16, 2022
ഡി പ്രശാന്ത് നായർ എന്നയാളാണ് പാമ്പിന്റെ വീഡിയോ പങ്കുവെച്ചത്. പാമ്പും മനുഷ്യനും തമ്മിലുള്ള സ്നേഹബന്ധം നോക്കൂ എന്ന ക്യാപ്ഷനോടെയാണ് വീഡിയോ പങ്കുവെച്ചിരിക്കുന്നത്. പപ്പയുടെ സ്വന്തം അപ്പൂസ് എന്ന സിനിമയിലെ ”ഓലത്തുമ്പത്തിരുന്നൂയാലാടും ചെല്ല പൈങ്കിളി” എന്ന പാട്ടും വീഡിയോയിൽ കേൾക്കാനാകും.
പാമ്പിനെ കുളിപ്പിക്കുന്ന വീഡിയോ പ്രചരിച്ചതോടെ പ്രതികരണവുമായി നിരവധി പേരാണ് എത്തിയിരിക്കുന്നത്. യുവാവിന്റെ സാഹസികതയെ ചിലർ അഭിനന്ദിക്കുമ്പോൾ മറ്റ് ചിലർ മുന്നറിയിപ്പ് നൽകുന്നുണ്ട്.
