ദോഹ: ലോകത്തിലെ ഏറ്റവും വലിയ കായിക മാമാങ്കത്തിന് ഖത്തറിൽ അരങ്ങുണരുമ്പോൾ ലോകമെമ്പാടുമുള്ള ആരാധകർ ആഹ്ലാദ ലഹരിയിലാണ്. ലോകത്തിലെ ഏറ്റവും വലിയ കായിക മാമാങ്കം, സമ്മാനത്തുകയുടെ കാര്യത്തിലും പെരുമ കാക്കുയാണ്. 440 മില്ല്യൺ അമേരിക്കൻ ഡോളറാണ് ഖത്തർ ലോകകപ്പിന്റെ ആകെ സമ്മാന തുകയെന്ന് ഫിഫ വാർഷിക റിപ്പോർട്ടിൽ വ്യക്തമാക്കിയിരുന്നു.
ഖത്തർ ലോകകപ്പിലെ അവസാന സ്ഥാനക്കാർ മുതൽ ചാമ്പ്യന്മാർ വരെയുള്ളവരുടെ സമ്മാന തുക എത്രയായിരിക്കുമെന്ന് ഫിഫ പ്രഖ്യാപിച്ചു കഴിഞ്ഞു. 17 മുതൽ 32 വരെ സ്ഥാനക്കാർക്ക് 9 മില്ല്യൺ അമേരിക്കൻ ഡോളറാണ് സമ്മാന തുക. അതായത് ഏകദേശം 74 കോടി ഇന്ത്യൻ രൂപ. 9 മുതൽ 16 വരെ സ്ഥാനങ്ങളിൽ എത്തുന്നവർക്ക് 13 മില്ല്യൺ ഡോളറാണ് ലഭിക്കുക, ഏകദേശം 106 കോടി രൂപ.
5 മുതൽ 8 വരെ സ്ഥാനങ്ങൾ: 17 മില്ല്യൺ ഡോളർ (138 കോടി രൂപ)
നാലാം സ്ഥാനം: 25 മില്ല്യൺ ഡോളർ (204 കോടി രൂപ)
മൂന്നാം സ്ഥാനം: 27 മില്ല്യൺ ഡോളർ (220 കോടി രൂപ)
റണ്ണർ അപ്പുകൾക്ക് ലഭിക്കുക 30 മില്ല്യൺ ഡോളറാണ്. ഏകദേശം 245 കോടി ഇന്ത്യൻ രൂപ. വിജയികൾക്ക് ലഭിക്കുക 42 മില്ല്യൺ അമേരിക്കൻ ഡോളറാണ്. അതായത്, ഏകദേശം 344 കോടി ഇന്ത്യൻ രൂപ.
Comments