ദോഹ: ലോകകപ്പ് ഫുട്ബോളിന് ഖത്തറിൽ വർണ ശബളമായ തുടക്കം. ഇന്ത്യൻ സമയം രാത്രി എട്ട് മണിയോടെയായിരുന്നു ഉദ്ഘാടന ചടങ്ങുകൾക്ക് തുടക്കമായത്.
ലോകകപ്പ് ഫുട്ബോളിന്റെ ചരിത്രവും ഖത്തറിന്റെ സാംസ്കാരിക തനിമയും നിറഞ്ഞു നിന്ന ചടങ്ങിൽ പ്രശസ്ത സംഗീത ബാൻഡ് ബിടിഎസിന്റെ ജുങ്കൂക്ക്, ബ്രിട്ടീഷ് ഗായകൻ റോബി വില്ല്യംസ്, കനേഡിയൻ കലാകാരി നോറ ഫത്തേഹി തുടങ്ങിയവർ പരിപാടികൾ അവതരിപ്പിച്ചു.
നിലവിൽ ഉദ്ഘാടന മത്സരത്തിൽ ആതിഥേയരായ ഖത്തർ ഇക്വഡോറിനെ നേരിടുകയാണ്. ഇന്ത്യൻ സമയം രാത്രി 12.30, വൈകുന്നേരം 3.30, 6.30, രാത്രി 9.30 എന്നിങ്ങനെയാണ് മത്സരങ്ങളുടെ സമയം.
