ഉണ്ണി മുകുന്ദൻ നായകനാകുന്ന ‘ഷെഫീക്കിന്റെ സന്തോഷം’ എന്ന ചിത്രം നവംബർ 25-നാണ് പുറത്തിറങ്ങുന്നത്. നവാഗതനായ അനൂപ് പന്തളമാണ് ചിത്രത്തിന്റെ സംവിധായകൻ. ഒരു ഫീൽഗുഡ് മൂവി ആയിരിക്കും ഷഫീക്കിന്റെ സന്തോഷം. സിനിമയുടെ ട്രെയിലറും രണ്ട് ടീസറും അണിയറ പ്രവർത്തകർ പുറത്തു വിട്ടിരുന്നു. ഇപ്പോൾ മൂന്നാമത്തെ ടീസറും പുറത്തു വന്നതോടെ നല്ലൊരു കൊച്ചു ചിത്രത്തിനായിട്ടുള്ള കാത്തിരിപ്പിലാണ് സിനിമാ പ്രേമികൾ. ബാല അവതരിപ്പിക്കുന്ന അമീർ എന്ന കഥാപാത്രത്തെ പരിചയപ്പെടുത്തുന്ന രസകരമായ ടീസറാണിത്.
ഉണ്ണിമുകുന്ദൻ ആലപിച്ച ഒരു ഗാനവും അണിയറ പ്രവർത്തകർ പുറത്തു വിട്ടിരുന്നു. ‘പൊൻപുലരികൾ പോരുന്നേ’ എന്ന മനോഹര ഗാനത്തിന് വരികൾ എഴുതിയിരിക്കുന്നത് മനു മൻജിത്ത് ആണ്. സംഗീത സംവിധാനം ഷാൻ റഹ്മാനാണ്. അനൂപ് പന്തളം തന്നെയാണ് ചിത്രത്തിന്റെ തിരക്കഥ രചിച്ചിരിക്കുന്നതും.
മനോജ് കെ ജയൻ, ദിവ്യാ പിള്ള, ആത്മീയാ രാജൻ, ഷഹീൻ സിദ്ദിഖ്, മിഥുൻ രമേശ്, സ്മിനു സിജോ എന്നിവരും മറ്റ് മുഖ്യവേഷങ്ങളിലുണ്ട്. എൽദോ ഐസക് ഛായാഗ്രഹണവും നൗഫൽ അബ്ദുള്ള എഡിറ്റിംഗും നിർവ്വഹിക്കുന്നു. പ്രൊഡക്ഷൻ കണ്ട്രോളര്-വിനോദ് മംഗലത്ത്, മേക്കപ്പ്- അരുണ് ആയൂര്, വസ്ത്രാലങ്കാരം- അരുണ് മനോഹര്, സ്റ്റില്സ്- അജി മസ്ക്കറ്റ്, അസോസിയേറ്റ് ഡയറക്ടര്- രാജേഷ് കെ രാജൻ എന്നിവരാണ് മറ്റ് അണിയറ പ്രവർത്തകർ.
Comments