ദോഹ: ലോകകപ്പ് ഫുട്ബോളിൽ അർജന്റീനയും മെക്സിക്കോയും തമ്മിലുള്ള മത്സരം നടക്കാനിരിക്കെ ലുസെയ്ൽ സ്റ്റേഡിയത്തിന് സമീപം പുകപടലങ്ങൾ ഉയർന്നു. പണി നടക്കുന്ന കെട്ടിടത്തിൽ ഉണ്ടായ തീപിടുത്തത്തിന്റെ ഫലമായാണ് പുകപടലങ്ങൾ ഉയർന്നതെന്ന് അധികൃതർ അറിയിച്ചു.
അർജന്റീനയും മെക്സിക്കോയും തമ്മിലുള്ള ലോകകപ്പ് മത്സരം നടക്കുന്ന ലുസെയ്ൽ സ്റ്റേഡിയത്തിന് മൂന്നര കിലോമീറ്റർ അകലെ, ഉച്ചയോടെയായിരുന്നു തീപിടുത്തം. ലോകകപ്പ് ആരാധകർ കടകളിലും ഭക്ഷണശാലകളിലും നിറഞ്ഞിരുന്ന സമയത്ത് സ്റ്റേഡിയത്തിന് സമീപം ആകാശം മുട്ടെ പുകപടലങ്ങൾ ഉയർന്നത് ആശങ്ക സൃഷ്ടിച്ചിരുന്നു.
ഖത്തർ തലസ്ഥാനമായ ദോഹയിൽ നിന്നും 28 കിലോമീറ്റർ അകലെയാണ് ലുസെയ്ൽ. തീപിടുത്തത്തിൽ ആശങ്കപ്പെടേണ്ട കാര്യമില്ലെന്ന് അധികൃതർ അറിയിച്ചു. ആളപായമോ നാശനഷ്ടങ്ങളോ സംഭവിച്ചിട്ടില്ല.
https://twitter.com/_WORLD_ANALYSIS/status/1596462663273369601?ref_src=twsrc%5Etfw%7Ctwcamp%5Etweetembed%7Ctwterm%5E1596462663273369601%7Ctwgr%5E51904c86ce0699cdb48fabfd5555eb272dc7bbb0%7Ctwcon%5Es1_&ref_url=http%3A%2F%2F15.207.85.231%2Fposts%2Fupdate%3Fupdateid%3D6382034c0ae94f4f30a8f8b0
