ന്യൂഡൽഹി : ഗിന്നസ് ബുക്ക് ഓഫ് റെക്കോർഡ്‌സിൽ ഇടം നേടി അഹമ്മദാബാദിലെ നരേന്ദ്ര മോദി സ്റ്റേഡിയം. ഏറ്റവും കൂടുതൽ ആളുകളെ സ്റ്റേഡിയത്തിൽ പ്രവേശിപ്പിച്ചുകൊണ്ടാണ് റെക്കോർഡ് നേടിയത്. മെയ് 29 ന് നടന്ന ടി20 മത്സരത്തിൽ ഒരു ലക്ഷത്തോളം ആരാധകരാണ് പങ്കെടുത്തത്. ഗുജറാത്ത് ടൈറ്റൻസും രാജസ്ഥാൻ റോയൽസും തമ്മിലായിരുന്നു മത്സരം.
ചരിത്രത്തിൽ ഇത്രയധികം ആളുകൾ ഒരു മത്സരത്തിൽ പങ്കെടുക്കുന്നത് ആദ്യമായിട്ടാണെന്ന് ഔദ്യോഗിക രേഖകൾ വ്യക്തമാക്കുന്നു. ബിസിസിഐ സെക്രട്ടറി ജയ് ഷാ ഔദ്യോഗിക ട്വിറ്ററിലൂടെയാണ് പുതിയ ലോക റെക്കോർഡ് വാർത്ത അറിയിച്ചത്.
A proud moment for everyone as India creates the Guinness World Record. This one is for all our fans for their unmatched passion and unwavering support. Congratulations to @GCAMotera and @IPL pic.twitter.com/PPhalj4yjI
— BCCI (@BCCI) November 27, 2022
” ഇന്ത്യ ലോക റെക്കോർഡ് നേടുന്നത് എല്ലാവർക്കും അഭിമാന നിമിഷമാണ്. ഇത് ഞങ്ങളുടെ എല്ലാ ആരാധകർക്കും അവരുടെ സമാനതകളില്ലാത്ത അഭിനിവേശത്തിനും അചഞ്ചലമായ പിന്തുണയ്‌ക്കും വേണ്ടിയുള്ളതാണ്. അഭിനന്ദനങ്ങൾ” എന്ന് ബിസിസിഐ ട്വിറ്ററിൽ കുറിച്ചു.
ഗുജറാത്ത് ക്രിക്കറ്റ് അസോസിയേഷൻ (ജിസിഎ) സ്റ്റേഡിയം എന്നറിയപ്പെട്ടിരുന്ന നരേന്ദ്ര മോദി സ്റ്റേഡിയത്തിന്റെ ആകെ കപ്പാസിറ്റി 1,10,000 ആണ്. ഇത് മെൽബൺ ക്രിക്കറ്റ് ഗ്രൗണ്ടിനേക്കാൾ 10,000 അധികമാണ്. 1,00,024 ആണ് മെൽബൺ ക്രിക്കറ്റ് ഗ്രൗണ്ടിന്റെ മൊത്തം കപ്പാസിറ്റി.
