ഫ്ലോറിഡ ; വീട്ടിൽ കഞ്ചാവ് തോട്ടമുണ്ടാക്കിയ 57 കാരൻ അറസ്റ്റിൽ. യുഎസിലെ കൊളറാഡോയിലാണ് സംഭവം. പൈലോട്ടോ-ഗോമസ് എന്നയാളാണ് സ്വന്തം വീട്ടിൽ അത്യാധുനിക രീതിയിൽ കഞ്ചാവ് വളർത്തിയത്. 959 കഞ്ചാവ് ചെടികളാണ് ഇയാളുടെ വീട്ടിൽ നിന്ന് പിടിച്ചെടുത്തത്. അതോടൊപ്പം 4.5 കിലോ ഉണക്കിയ കഞ്ചാവും പിടികൂടി.
ഫ്ലോറിഡയിൽ 12 ൽ കൂടുതൽ കഞ്ചാവ് ചെടികൾ വീട്ടിൽ വളർത്തുന്ന കുറ്റമാണ്. രഹസ്യവിവരത്തിന്റെ അടിസ്ഥാനത്തിലാണ് ഇയാളുടെ വീട്ടിലെത്തി പരിശോധന നടത്തിയത്. വീട്ടിലെ രണ്ട് ഷെഡ്ഡുകൾ ഗ്രോ റൂമാക്കിയാണ് അത്യാധുനിക സംവിധാനങ്ങളോടെയാണ് ഇവിടെ കഞ്ചാവ് വളർത്തിയിരുന്നത്.
കഞ്ചാവ് പായ്ക്ക് ചെയ്യാനും വിതരണത്തിനുമായി ഉപയോഗിക്കുന്ന സാമഗ്രികളും ഇവിടെ നിന്നും പിടിച്ചെടുത്തിട്ടുണ്ട്. വീടിന് സമീപമുള്ള ഗ്യാരേജിൽ നിന്ന് 20 കഞ്ചാവ് ചെടികളും കണ്ടെടുത്തു. സംഭവത്തിൽ വിശദമായ അന്വേഷണം നടക്കുകയാണ്.
