ദോഹ : ലോകകപ്പ് മത്സരത്തിൽ അർജന്റീനയുടെ തിരിച്ചു വരവ്. പോളണ്ടിനെ തകർത്ത് അർജന്റിന ഗ്രൂപ്പ് സി ചാമ്പ്യന്മാരായി ലോകകപ്പ് പ്രീ ക്വാർട്ടറിൽ കടന്നു. മറുപടിയില്ലാത്ത രണ്ട് ഗോളിനാണ് അർജന്റീനയുടെ ജയം . 46 ആം മിനിട്ടിൽ അലക്‌സിസ് മക് അലസ്റ്റർ,67 ആം മിനിട്ടിൽ ജുവാൻ അൽവാരസ് എന്നിവരാണ് ഗോളടിച്ചത്. ആദ്യ പകുതിയിൽ ലയണൽ മെസി പെനാൽറ്റി പാഴാക്കിയത് ആരാധകർക്ക് നിരാശയായി.
അർജന്റീനയുടെ ഗോളെന്നുറച്ച അരഡസനിൽ ഏറെ ഷോട്ടുകളാണ് പോളണ്ട് ഗോൾകീപ്പർ സെസ്‌നി തട്ടി അകറ്റിയത്. രണ്ടാം പകുതി കൂടുതൽ ഗോളുകൾ വഴങ്ങാതെ ഇരിക്കാൻ ആയിരുന്നു പോളണ്ടിന്റെ ശ്രമം.തോറ്റെങ്കിലും ഗ്രൂപ്പിൽ നിന്ന് രണ്ടാന്മാരായി പോളണ്ടും നോക്കൗട്ട് റൗണ്ടിൽ എത്തി. പ്രീ ക്വാർട്ടറിൽ അർജന്റിന ഓസ്‌ട്രേലിയയേയും പോളണ്ട് ഫ്രാൻസിനേയും നേരിടും.
