പന്തളം : ശബരിമല തീർത്ഥാടനത്തിനെത്തിയി ഭക്തന്റെ പണവും ബാഗും മോഷ്ടിച്ച കള്ളൻമാർ പിടിയിൽ. ഇലന്തൂർ ചുരുളിക്കോട് ഇളമലചരുവിൽ രാജൻ (62), ബന്ധു വേണു (49) എന്നിവരെയാണ് പമ്പ പോലീസ് അറസ്റ്റ് ചെയ്തത്. ഇന്ന് പുലർച്ചെയോടെയാണ് സംഭവം. ഫോർട്ട് കൊച്ചി അമരാവതി ഉദാരപറമ്പിൽ അഭിലാഷിന്റെ (43) പണമാണ് ഇവർ മോഷ്ടിച്ചത്.
എറണാകുളത്ത് നിന്നും വന്ന തീർത്ഥാടക സംഘത്തിലെ അംഗമായിരുന്നു അഭിലാഷ്. യാത്രാക്ഷീണം കാരണം ഇവർ വിശ്രമിക്കുകയായിരുന്നു. ഇതിനിടെയാണ് പഴ്സും അരയിൽ കെട്ടുന്ന ബാഗും 9700 രൂപയും മോഷ്ടിച്ചത്.
സംശയത്തെ തുടർന്ന് തീർത്ഥാടനത്തിനെത്തിയ ഭക്തർ പരിശോധിച്ചപ്പോഴാണ് അഭിലാഷിന്റെ പഴ്സും പണവും കണ്ടെത്തിയത്. സമീപത്ത് നിന്ന് അരയിൽ കെട്ടുന്ന ബാഗും കണ്ടെത്തി. സംഭവത്തിൽ പ്രതികളെ പമ്പ പോലീസ് ചോദ്യം ചെയ്തുവരികയാണ്.
Comments