ഫുട്ബോൾ ആവേശം അങ്ങ് ആകാശത്തും. ഫിഫ ലോകകപ്പ് വിമാനത്തിലിരുന്ന് കാണുന്നവരുടെ ആകാശത്ത് നിന്നുള്ള വീഡിയോയാണ് സമൂഹമാദ്ധ്യമങ്ങളിൽ വൈറലാകുന്നത്. വിമാനത്തിലുള്ള യാത്രക്കാരുടെ സ്ക്രീനുകളിൽ ഫുട്ബോൾ കളി നടക്കുന്ന മനോഹരം ചിത്രം ഫുട്ബോൾ ആരാധകരുടെ വ്യാപ്തി മനസിലാക്കി തരുന്നു.
ആരാധകർക്ക് കളികൾ നഷ്ടമാകാതിരിക്കുന്നതിനായി നിരവധി അന്താരാഷ്ട്ര വിമാന കമ്പനികൾ ഫിഫ ലോകകപ്പിന്റെ തത്സമയ സംപ്രേഷണവും നൽകുന്നുണ്ട്. ആതിഥേയ രാജ്യമായ ഖത്തറിന്റെ മുൻനിര വിമാന കമ്പനികളായ ഖത്തർ എയർവേയ്സ് 24, സ്പോർട്ട് 24 എക്സ്ട്രാ എന്നിവയിൽ യാത്രക്കാർക്ക് തത്സമയം കളി കാണാൻ കഴിയും. എമിറേറ്റ്സിലും ഇത്തിഹാദ് എയർവോയ്സിലും സംപ്രേഷണം ചെയ്യുന്നുണ്ട്.
നവംബർ 20-ന് ആരംഭിച്ച ഫിഫ ലോകകപ്പിന്റെ ഫൈനൽ മത്സരങ്ങൾ ഡിസംബർ 18-നാകും നടക്കുക. പ്രത്യേകമായി നിർമ്മിച്ചതും നവീകരിച്ചതുമായ എട്ടോളം സ്റ്റേഡിയങ്ങളിലാണ് മത്സരങ്ങൾ നടക്കുന്നത്.
