ലോകകപ്പ് ഫുട്ബോൾ ആരവങ്ങൾക്കിടെ ബ്രസീൽ ആരാധകരുടെ ഹൃദയം തകർക്കുന്ന പ്രവചനവുമായി അഥോസ് സലോമി. പ്രശസ്ത ജോതിഷനായ നോസ്ട്രഡാമസുമായി പലരും ഉപമിക്കാറുള്ളയാളാണ് ബ്രസീലുകാരനായ അഥോസ് സലോമി.
ബ്രസീലിന് ഇത്തവണയും ലോകകപ്പ് കിരീടം സ്വന്തമാക്കാനുള്ള ഭാഗ്യമുണ്ടാവില്ലെന്നാണ് സലോമി പ്രവചിച്ചിരിക്കുന്നത്. ഇംഗ്ലണ്ടും ബ്രസീലും ബെൽജിയവും ഫൈനലിലെത്തില്ലെന്നും ടാംഗോയുടെ ഭൂമിയും (അർജന്റീന) മദ്ധ്യ യൂറോപ്യൻ രാജ്യവും (ഫ്രാൻസ്) തമ്മിലുള്ള മത്സരമാണ് ഫൈനലിൽ കാണാൻ സാധിക്കുകയെന്നുമാണ് പ്രവചനം. സെമിഫെനലിൽ ബ്രസീലും അർജന്റീനയുമായുള്ള പോരാട്ടമായിരിക്കുമെന്നും ബ്രസീൽ അമ്പേ പരാജയപ്പെടുമെന്നും സലോമി പ്രവചിക്കുന്നു. ലോക രണ്ടാം നമ്പറുകാരായ ബെൽജിയം പ്രീക്വാട്ടർ കാണാൻ പോലുമാകാതെ പുറത്താവുമെന്ന പ്രവചനം സത്യമായതോടെയാണ് ബ്രസീൽ ആരാധകരുടെ നെഞ്ചിടിപ്പ് വർദ്ധിപ്പിക്കുന്നത്.
നേരത്തെ എലിസബത്ത് രാജ്ഞിയുടെ മരണം, കൊറോണയുടെ വരവ്, മൂന്നാം ലോകമഹായുദ്ധം എന്നിവ ഇയാൾ പ്രവചിച്ചിരുന്നു.ഇതെല്ലാം സത്യമായതോടെയാണ് സലോമിയുടെ പ്രവചനത്തിന് ആരാധകരേറിയത്.
