മീൻ കറി വച്ചു കഴിക്കാനും പൊരിച്ചു തിന്നാനും ഇഷ്ടപ്പെടുന്ന നിരവധി പേരുണ്ട്. എന്നാൽ ഇതിനെല്ലാം മുമ്പ് മീൻ വൃത്തിയാക്കി എടുക്കുക എന്നുള്ളതാണ് ടാസ്ക്. ഇതിൽ തന്നെ മിക്കവരെയും വിഷമിപ്പിക്കുന്ന കാര്യം അസഹനീയമായ മീൻ നാറ്റമാണ്. കൈകളിൽ നിന്ന് പച്ച മീനിന്റെ മണം കളയാൻ പഠിച്ച പണി പതിനെട്ടും എടുക്കേണ്ടി വരും. സാധാരണ ഗതിയിൽ അൽപം സോപ്പ് തേച്ച് ഉരച്ചാലൊന്നും ചില മീനുകളുടെ മണം പോകണമെന്നില്ല.
എന്നാൽ ചില ട്രിക്കുകൾ പരീക്ഷിച്ചാൽ മീനിന്റെ മണത്തെ സിംപിളായി കൈകാര്യം ചെയ്യാം.
ഒരു ടീസ്പൂൺ ബേക്കിംഗ് സോഡ അൽപം വെള്ളവുമായി ചേർത്ത് പേസ്റ്റ് രൂപത്തിലാക്കുക. ഇത് കൈകളിൽ പുരട്ടി ഉരച്ചാൽ മീൻ മണം പമ്പകടക്കും.
അൽപം സ്വർക്കയെടുത്ത് വെള്ളത്തിൽ മിക്സ് ചെയ്തതിന് ശേഷം ഈ ലായനിയിൽ സ്പോഞ്ച് മുക്കി കൈകളിൽ പുരട്ടുക. മീൻ നാറ്റത്തെ ഒരു പരിധി വരെ ഇല്ലാതാക്കാം.
ടൂത്ത്പേസ്റ്റാണ് മറ്റൊരു പ്രതിവിധി. ശരവേഗം ഫലം നൽകാൻ ടൂത്ത്പേസ്റ്റ് സഹായിക്കും. അൽപം പേസ്റ്റ് കൈകളിൽ പുരട്ടി ഉരച്ചതിന് ശേഷം കഴുകി കളയുകയാണ് വേണ്ടത്. സെക്കൻഡുകൾക്കുള്ളിൽ മീൻ മണം ഇല്ലാതാകും.
വീട്ടിൽ കെച്ചപ്പ് ഇരിക്കുന്നുണ്ടെങ്കിൽ മീൻ നാറ്റം കളയാൻ ഉപയോഗിക്കാവുന്നതാണ്. പേസ്റ്റ് തേച്ചതു പോലെ കെച്ചപ്പ് കൈകളിൽ പുരട്ടി ഉരച്ച് കഴുകി കളയാം.
