സന്നിധാനത്തെ കടകളിൽ എക്‌സൈസ് റെയ്ഡ്; നിരോധിത ലഹരി ഉത്പന്നങ്ങൾ പിടിച്ചെടുത്തു

പന്തളം : സന്നിധാനത്തെയും പരിസര പ്രദേശങ്ങളിലെയും കടകളിൽ എക്‌സൈസിന്റെ റെയ്ഡ്. ചില കടകളിൽ നിന്നും നിരോധിത ലഹരി ഉത്പന്നമായ ഹാൻസും പുകയിലയും പിടിച്ചെടുത്തു. പാണ്ടിത്താവളം, മരക്കൂട്ടം, കൊപ്രാക്കളം തുടങ്ങിയ പ്രദേശങ്ങളിലായിരുന്നു എക്‌സൈസ് പരിശോധന.

കുറച്ച് ദിവസങ്ങളായി പ്രദേശത്ത് എക്‌സൈസ് ഉദ്യോഗസ്ഥർ റെയ്ഡ് നടത്തിവരികയാണ്. ഇന്നലെ നടത്തിയ പരിശോധനയിൽ ചില കടകളിൽ നിന്നും പുകയില ഉത്പന്നങ്ങളും നിരോധിത ലഹരി ഉത്പന്നങ്ങളും പിടിച്ചെടുത്തു. വരും ദിവസങ്ങളിലും റെയ്ഡ് തുടരുമെന്ന് എക്‌സൈസ് ഉദ്യോഗസ്ഥർ പറഞ്ഞു.

പരസ്യമായി പുകവലിച്ച തൊഴിലാളികളെയും പരിശോധിച്ചു. പുകയില ഉത്പന്നങ്ങൾ പിടിച്ചെടുത്ത സംഭവത്തിൽ കേസുകൾ രജിസ്റ്റർ ചെയ്തു.

മരക്കൂട്ടം, സന്നിധാന പരിസരം, കൊപ്രാക്കളം, പാണ്ടിത്താവളം തുടങ്ങിയ മേഖലകളിലായിരുന്നു എക്‌സൈസ് ഉദ്യോഗസ്ഥർ പരിശോധന നടത്തിയത്. സന്നിധാനവും പരിസരവും ലഹരിമുക്തമാക്കുക എന്ന ലക്ഷ്യത്തോടെയായിരുന്നു റെയ്ഡ്.