ബംഗളൂരു: കർണാടക കോൺഗ്രസ് അദ്ധ്യക്ഷൻ ഡി.കെ ശിവകുമാർ ചെയർമാനായ കോളേജുകളിൽ റെയ്ഡ് നടത്തി സിബിഐ. ബംഗളൂരു ആസ്ഥാനമായുള്ള വിദ്യാഭ്യാസ സ്ഥാപനമായ ഗ്ലോബൽ അക്കാദമി ഓഫ് ടെക്‌നോളജിയുടെ ചെയർമാനാണ് അദ്ദേഹം. കള്ളപ്പണം വെളുപ്പിക്കൽ കേസുമായി ബന്ധപ്പെട്ടാണ് റെയ്‌ഡെന്നാണ് പ്രാഥമിക വിവരം.
കോളേജ് അദ്ധ്യാപകരെയും അധികൃതരെയും ചോദ്യം ചെയ്തതായി സിബിഐ അറിയിച്ചു. ചോദ്യം ചെയ്തവരിൽ ശിവകുമാറിന്റെ മകളും കോളേജിന്റെ സെക്രട്ടറിയുമായ ഡികെഎസ് ഐശ്വര്യ, കോളേജ് ട്രസ്റ്റ് അംഗമായ ഭാര്യയും ഉൾപ്പെടുന്നതായി സിബിഐ അറിയിച്ചു.
കള്ളപ്പണം വെളുപ്പിക്കൽ കേസിൽ കോൺഗ്രസിന്റെ അദ്ധ്യക്ഷനെ ഇഡി ചോദ്യം ചെയ്തതിന് പിന്നാലെയാണ് സിബിഐ റെയ്ഡുകൾ നടത്തുന്നത്. നാഷണൽ ഹെറാൾഡ് കേസിൽ നവംബർ 14 ന് ഡൽഹിയിൽ വിവിധ ദേശീയ ഏജൻസികൾ ചോദ്യം ചെയ്തിരുന്നു.
