ന്യൂഡൽഹി: ബംഗ്ലാദേശിനെതിരായ ടെസ്റ്റ് പരമ്പരയിലെ രണ്ടാം മത്സരത്തിനുള്ള ഇന്ത്യൻ ടീമിനെ പ്രഖ്യാപിച്ചു. ഏകദിന പരമ്പരയ്ക്കിടെ തള്ളവിരലിന് പരിക്കേറ്റ ക്യാപ്ടൻ രോഹിത് ശർമ്മ രണ്ടാം ടെസ്റ്റിലും കളിക്കില്ല. ഒന്നാം ടെസ്റ്റിൽ ടീമിനെ നയിച്ച കെ എൽ രാഹുൽ തന്നെയാകും രണ്ടാം ടെസ്റ്റിലും ക്യാപ്ടൻ. ഉദരപേശികൾക്ക് പരിക്കേറ്റ പേസ് ബൗളർ നവ്ദീപ് സെയ്നിയെയും ടീമിൽ നിന്നും ഒഴിവാക്കിയിട്ടുണ്ട്.
രണ്ടാം ടെസ്റ്റിനുള്ള ഇന്ത്യൻ ടീം (ഇവരിൽ നിന്ന്): കെ എൽ രാഹുൽ (ക്യാപ്ടൻ), ശുഭ്മാൻ ഗിൽ, ചേതേശ്വർ പുജാര (വൈസ് ക്യാപ്ടൻ), വിരാട് കോഹ്ലി, ശ്രേയസ് അയ്യർ, ഋഷഭ് പന്ത് (വിക്കറ്റ് കീപ്പർ), കെ എസ് ഭരത് (വിക്കറ്റ് കീപ്പർ), രവിചന്ദ്രൻ അശ്വിൻ, അക്ഷർ പട്ടേൽ, കുൽദീപ് യാദവ്, ശാർദുൽ ഠാക്കൂർ, മുഹമ്മദ് സിറാജ്, ഉമേഷ് യാദവ്, അഭിമന്യു ഈശ്വരൻ, സൗരഭ് കുമാർ, ജയദേവ് ഉനദ്കട്ട്
