ധാക്ക: ബംഗ്ലാദേശിനെതിരായ രണ്ടാം ടെസ്റ്റിൽ ഇന്ത്യക്ക് 145 റൺസ് വിജയ ലക്ഷ്യം. രണ്ടാം ഇന്നിംഗ്സിൽ ബംഗ്ലാദേശ് 231 റൺസിന് പുറത്തായി. 73 റൺസെടുത്ത ലിട്ടൺ ദാസും 51 റൺസെടുത്ത സാകിർ ഹസനും മാത്രമാണ് ബംഗ്ലാദേശ് നിരയിൽ ചെറുത്തുനിന്നത്. ഇന്ത്യക്ക് വേണ്ടി അക്ഷർ പട്ടേൽ 3 വിക്കറ്റ് വീഴ്ത്തി. അശ്വിനും മുഹമ്മദ് സിറാജിനും 2 വിക്കറ്റുകൾ വീതം ലഭിച്ചു.
നേരത്തേ, ടോസ് നേടി ബാറ്റിംഗ് തിരഞ്ഞെടുത്ത ബംഗ്ലാദേശ് ഒന്നാം ഇന്നിംഗ്സിൽ 227 റൺസിന് പുറത്തായിരുന്നു. മറുപടി ബാറ്റിംഗിൽ ഇന്ത്യ 314 റൺസ് നേടിയിരുന്നു. ഇതോടെ ഇന്ത്യക്ക് മത്സരത്തിൽ 87 റൺസിന്റെ നിർണായക ഒന്നാം ഇന്നിംഗ്സ് ലീഡ് നേടാൻ സാധിച്ചിരുന്നു.
വിക്കറ്റ് നഷ്ടമില്ലാതെ 7 റൺസ് എന്ന നിലയിൽ മൂന്നാം ദിനം ബാറ്റിംഗ് പുനരാരംഭിച്ച ബംഗ്ലാദേശിന് ആദ്യ സെഷനിൽ തന്നെ 4 വിക്കറ്റുകൾ നഷ്ടമായത് തിരിച്ചടിയായി. പിന്നീട് അവർ പിടിച്ച് നിൽക്കുവാൻ ശ്രമിച്ചുവെങ്കിലും ഇന്ത്യയുടെ മികച്ച ബൗളിംഗ് പ്രകടനത്തിന് മുന്നിൽ അടിപതറുകയായിരുന്നു. ചായക്ക് ശേഷം അധികം വൈകാതെ ബംഗ്ലാദേശിന്റെ ഇന്നിംഗ്സിന് വിരാമമിട്ട്, ജയം ലക്ഷ്യമാക്കി ഇന്ത്യ ക്രീസിൽ ഇറങ്ങിയിരിക്കുകയാണ്.
Comments