ആർട്ടിഫിഷ്യൽ ഇന്റലിജൻസ് ഉപയോഗിച്ച് മുതിർന്നവരുടെ പഴയകാല ചിത്രങ്ങൾ തയ്യാറാക്കിയെടുക്കുന്നത് നാം കണ്ടിട്ടുണ്ടാകും. ഇപ്പോഴിതാ അത്തരത്തിൽ തയ്യാറാക്കിയ ഒരു കൂട്ടം ചിത്രങ്ങളാണ് സോഷ്യൽ മീഡിയയിൽ വൈറലാകുന്നത്.
ഫുട്ബോൾ പ്രേമികളുടെ പ്രിയ താരങ്ങളായ മെസ്സിയും ക്രിസ്റ്റ്യാനോയും എംബാപ്പെയുമൊക്കെ ഇപ്പോൾ കുഞ്ഞുങ്ങളായെത്തി ആരാധകരുടെ മനസ് കീഴടക്കുകയാണ്. പോൾ പാഴ്സൺസ് എന്ന കലാകാരനാണ് ഫുട്ബോൾ കളിക്കാരുടെ കുട്ടിക്കാലത്തെ രൂപം അതിമനോഹരമായി തയ്യാറാക്കിയിരിക്കുന്നത്. മൂന്ന് വയസ് പ്രായമുള്ള ലയണൽ മെസ്സിയും നെയ്മറുമൊക്കെ വളരെ പെട്ടന്നാണ് ഇൻസ്റ്റഗ്രാമിൽ വൈറലായത്.
ലോകപ്രശസ്ത ഫുട്ബോൾ താരങ്ങളിൽ പത്ത് കളിക്കാരുടെ ചിത്രങ്ങളാണ് കുഞ്ഞുങ്ങളുടെ രൂപത്തിൽ കലാകാരൻ വരച്ചിരിക്കുന്നത്. ഹാരി കെയ്ൻ, ഗരേത് ബെയ്ല്, കെവിൻ ഡി ബ്രൂണെ, മുഹമ്മദ് സലാ, റോബർട്ട് ലെവൻഡോവ്സ്കി എന്നിവരുടെയും ചിത്രങ്ങൾ വൈറലായവയുടെ കൂട്ടത്തിലുണ്ട്.
