മലപ്പുറം: സ്വർണക്കടത്ത് കേന്ദ്രമായി മാറി കരിപ്പൂർ വിമാനത്താവളം. വീണ്ടും സ്വർണം പിടികൂടി. സംഭവത്തിൽ യുവാവിനെ പോലീസ് കസ്റ്റഡിയിൽ എടുത്തു.
തിരുപ്പൂർ സ്വദേശി മുസ്തഫയാണ് പിടിയിലായത്. ഇയാളുടെ പക്കൽ നിന്നും 35 ലക്ഷം രൂപ വിലവരുന്ന 636 ഗ്രാം സ്വർണം പിടികൂടി. സ്വർണം ക്യാപ്സൂൾ രൂപത്തിലാക്കി മലദ്വാരത്തിൽ ഒളിപ്പിച്ച് ആയിരുന്നു കടത്താൻ ശ്രമിച്ചത്.
കസ്റ്റംസ് പരിശോധന കഴിഞ്ഞ് വിമാനത്താവളത്തിന് പുറത്ത് എത്തിയപ്പോഴായിരുന്നു ഇയാൾ പോലീസിന്റെ പിടിയിലായത്. ഇയാൾ സ്വർണം കടത്തുന്നതായി പോലീസിന് രഹസ്യവിവരം ലഭിച്ചിരുന്നു. ഇതേ തുടർന്ന് കസ്റ്റഡിയിൽ എടുത്ത മുസ്തഫയെ ചോദ്യം ചെയ്തെങ്കിലും സ്വർണം കടത്തിയ കാര്യം മുസ്തഫ നിഷേധിച്ചു. ഇതേ തുടർന്ന് എക്സ്റേ പരിശോധന നടത്തുകയായിരുന്നു. ഇതിലാണ് സ്വർണം പിടികൂടിയത്.
ഇത് തുടർച്ചയായ മൂന്നാം ദിവസമാണ് കരിപ്പൂർ വിമാനത്താവളത്തിൽ നിന്നും സ്വർണം പിടികൂടുന്നത്. കഴിഞ്ഞ ദിവസങ്ങളായി കരിപ്പൂരിൽ നിന്നും സ്വർണവുമായി യുവതികളെ പിടികൂടിയിരുന്നു.
Comments