കൊച്ചി: രണ്ടുദിവസമായി മാറ്റമില്ലാതെ തുടർന്ന സ്വർണ വില ഇന്നലെ ഉയർന്നതിന് പിന്നാലെ ഇന്ന് ഇടിഞ്ഞു. ഒരു പവൻ സ്വർണത്തിന് 80 രൂപയാണ് കുറഞ്ഞത്. ബുധനാഴ്ച 160 രൂപ വർധിച്ചിരുന്നു. ഇതോടെ ഒരു പവൻ സ്വർണത്തിന്റെ ഇന്നത്തെ നിരക്ക് 40,040 രൂപയാണ്.
22 കാരറ്റ് സ്വർണത്തിന് പത്ത് രൂപയാണ് ഗ്രാമിന് കുറഞ്ഞത്. ഇതോടെ ഗ്രാമിന് വില 5,005 ആയി. 18 കാരറ്റ് സ്വർണത്തിന്റെ വിലയും ഇടിഞ്ഞിട്ടുണ്ട്. 10 രൂപ കുറഞ്ഞതോടെ 4,135 രൂപയാണ് ഗ്രാമിന് വില. വെള്ളിയുടെ വില മാറ്റമില്ലാതെ തുടരുകയാണ്. ഹാൾമാർക്ക് വെള്ളിക്ക് 90 രൂപയാണ് വില.
Comments