ന്യൂഡൽഹി: ട്വീറ്റിൽ ഇന്ത്യയുടെ തെറ്റായ ഭൂപടം പങ്കുവെച്ചത് പിൻവലിച്ച് വാട്സാപ്പ്. വിഷയത്തിൽ കേന്ദ്ര ഐടി വകുപ്പ് സഹമന്ത്രി രാജീവ് ചന്ദ്രശേഖർ വാട്സാപ്പിന് താക്കീത് നൽകിയിരുന്നു. ജമ്മു കശ്മീരിന്റെ ചില ഭാഗങ്ങൾ പാകിസ്താനിലും വടക്കു കിഴക്കൻ സംസ്ഥാനങ്ങളുടെ ചില ഭാഗങ്ങൾ ചൈനയിലും ഉൾപ്പെടുത്തിയാണ് പുതുവർഷവുമായി ബന്ധപ്പെട്ട ഒരു ട്വീറ്റിൽ വാട്സാപ്പ് ഇന്ത്യയുടെ ഭൂപടം പങ്കുവെച്ചത്. ഇതിനെതിരെ ശക്തമായ പ്രതിഷേധം ഉയർന്നിരുന്നു.
Dear @WhatsApp – Rqst that u pls fix the India map error asap.
All platforms that do business in India and/or want to continue to do business in India , must use correct maps. @GoI_MeitY @metaindia https://t.co/aGnblNDctK
— Rajeev Chandrasekhar 🇮🇳 (@Rajeev_GoI) December 31, 2022
you may want to make sure u use correct maps of the countries u do / want to do business in @ericsyuan https://t.co/wveFuhh9xJ
— Rajeev Chandrasekhar 🇮🇳 (@Rajeev_GoI) December 28, 2022
തുടർന്നാണ് വാട്സാപ്പ് അധികൃതരെ കേന്ദ്ര സർക്കാർ പ്രശ്നത്തിന്റെ ഗുരുതരാവസ്ഥ ബോദ്ധ്യപ്പെടുത്തിയത്. ഇന്ത്യയിൽ ബിസിനസ് ചെയ്യുന്നവരും ചെയ്യാൻ ആഗ്രഹിക്കുന്നവരും ഇന്ത്യയുടെ ശരിയായ ഭൂപടം മാത്രമേ ഉപയോഗിക്കാൻ പാടുള്ളൂവെന്ന് കേന്ദ്ര മന്ത്രി രാജീവ് ചന്ദ്രശേഖർ വാട്സാപ്പിനുള്ള മുന്നറിയിപ്പിൽ വ്യക്തമാക്കി.
കേന്ദ്ര സർക്കാരിന്റെ ഇടപെടലിന്റെ ഭാഗമായി പ്രസ്തുത ട്വീറ്റ് വാട്സാപ്പ് നീക്കം ചെയ്തു. ഇന്ത്യയുടെ വികലമായ ഭൂപടം പങ്കുവെച്ചതിന് സൂമിനും കേന്ദ്ര സർക്കാർ താക്കീത് നൽകിയിരുന്നു. തുടർന്ന് സൂമും ഭൂപടം നീക്കം ചെയ്തിരുന്നു.
Comments