ഇസ്ലാമാബാദ്: ബലൂചിസ്താനിലെ കഹാനിൽ ഉണ്ടായ വ്യത്യസ്തങ്ങളായ ബോംബ് സ്ഫോടനങ്ങളിൽ ക്യാപ്ടൻ ഉൾപ്പെടെ അഞ്ച് പാകിസ്താൻ സൈനികർ കൊല്ലപ്പെട്ടു. ബലൂചിസ്താൻ വിമോചന സമരക്കാർക്കെതിരെ സൈനിക നടപടിക്ക് തയ്യാറെടുക്കുകയായിരുന്ന പാക് സംഘത്തിന് നേരെ ഐഇഡി സ്ഫോടനങ്ങൾ നടക്കുകയായിരുന്നുവെന്ന് പാക് വാർത്താ ഏജൻസികൾ റിപ്പോർട്ട് ചെയ്തു.
ക്യാപ്ടൻ ഫഹദ്, ലാൻസ് നായിക് ഇംതിയാസ്, ശിപായിമാരായ അസ്ഗർ, മീരാൻ, ഷാമൂൻ എന്നിവരാണ് കൊല്ലപ്പെട്ടതെന്ന് പാക് സൈന്യം സ്ഥിരീകരിച്ചു. പാകിസ്താനിൽ നിന്നും ബലൂചിസ്താന് സമ്പൂർണ്ണ സ്വാതന്ത്ര്യം വേണം എന്ന് ആവശ്യപ്പെടുന്ന ബലൂച് വിമത സംഘടന സ്ഫോടനങ്ങളുടെ ഉത്തരവാദിത്തം ഏറ്റെടുത്തു.
