ന്യൂഡൽഹി – തീവ്രവാദത്തിന്റെ പ്രഭവകേന്ദ്രമായ പാകിസ്താനെ വീണ്ടും രൂക്ഷമായി വിമർശിച്ച് വിദേശകാര്യ മന്ത്രി എസ് ജയ്ശങ്കർ. എല്ലാ ദിവസവും ഇന്ത്യൻ അതിർത്തിയിലേക്ക് ഭീകരരെ പരിശീലിപ്പിച്ച് അയയ്ക്കുകയാണ് പാകിസ്താൻ ചെയ്യുന്നത് എന്ന് വിദേശകാര്യ മന്ത്രി തുറന്നടിച്ചു. ഇന്ത്യൻ പാർലമെന്റ് ആക്രമണത്തിന് പിന്നിലും മുംബൈ ഭീകരാക്രമണത്തിന് പിന്നിലും പാകിസ്താനാണ്.
ഭീകരതയുടെ പ്രഭവ കേന്ദ്രം ഇന്ത്യയുടെ തൊട്ടടുത്താണ്. ഇതിനേക്കാൾ കഠിനമായ വാക്കുകൾ എനിക്ക് ഉപയോഗിക്കാമായിരുന്നു. പ്രഭവ കേന്ദ്രം എന്നത് വളരെ നയതന്ത്രപരമായ വാക്കാണ്. ഇന്ത്യൻ പാർലമെന്റ് ആക്രമത്തിന് പിന്നിലും പാകിസ്താനാണ് എന്നും അദ്ദേഹം കുറ്റപ്പെടുത്തി. മുംബൈ നഗരത്തിൽ വെച്ച് ഇന്ത്യക്കാരെയും വിദേശികളെയും പാക് ഭീകരർ വേട്ടയാടി കൊലപ്പെടുത്തി.
സൈനികർക്ക് പരിശീലനം നൽകുന്നത് പോലെയാണ് പാക് ഭരണകൂടം ഭീകരരെ പരിശീലിപ്പിക്കുന്നത്. ഇന്ത്യൻ അതിർത്തിയിലേക്ക് ഇവരെ ദിവസേന പറഞ്ഞയയ്ക്കുന്നു. ഇതിന് വേണ്ടി പ്രത്യേക ഫണ്ടും രാജ്യത്തിന് ലഭിക്കുന്നുണ്ടെന്നും ജയ്ശങ്കർ കുറ്റപ്പെടുത്തി.
Comments