യുഎഇ: അർജന്റീന ഫുട്ബോൾ താരം ലയണൽ മെസിയുടെ പേര് ടാറ്റൂ ചെയ്തതിൽ കുറ്റബോധം ഉണ്ടെന്ന് വൈറൽ ആരാധകൻ. കൊളംബിയൻ ആരാധകനായ മൈക്ക് ജാംബ്സ് ആണ് മെസിയുടെ പേര് ടാറ്റൂ ചെയ്യേണ്ടതില്ലെന്നും എടുത്തു ചാടി തീരുമാനമെടുത്തതിൽ ഖേദിക്കുന്നുവെന്നും പറഞ്ഞത്. നെറ്റിയിൽ മെസിയുടെ പേര് കുത്തിയാണ് മൈക്ക് വൈറലായത്.
”ഇത്ര പെട്ടെന്ന് മടുപ്പ് തോന്നുമെന്ന് കരുതിയില്ല. ആദ്യത്തെ കുറച്ച് ദിവസങ്ങളിൽ ഞാൻ ചെയ്ത കാര്യങ്ങളിൽ എനിക്ക് അഭിമാനം തോന്നി, പക്ഷേ ഇപ്പോൾ ഞാൻ അത് ചെയ്യാതിരുന്നെങ്കിൽ എന്ന് ആഗ്രഹിക്കുന്നു.’ ടാറ്റൂ ചെയ്തതിൽ ഞാൻ ഖേദിക്കുന്നു, കാരണം ഈ ടാറ്റൂ എനിക്ക് ജീവിതത്തിൽ പോസിറ്റീവ് കാര്യങ്ങൾ കൊണ്ടുവരുന്നതിനുപകരം, ഇത് വ്യക്തിപരമായും എന്റെ കുടുംബത്തിനും ധാരാളം നെഗറ്റീവ് കാര്യങ്ങളാണ് നൽകിയതെന്ന് ആരാധകൻ പറഞ്ഞു.
Comments