ഇസ്ലാമാബാദ്: പാകിസ്താനിലെ കറാച്ചിയിൽ നടന്ന ക്രിക്കറ്റ് മാച്ച് മത്സരമാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. മത്സരം അത്ര ത്രസിപ്പിക്കുന്നതായിരുന്നില്ലെങ്കിലും അതിന് ശേഷം കമന്റേറ്റർ നടത്തിയ പ്രസ്താവനയെ ചുറ്റിപ്പിടിച്ച ചർച്ചകളാണ് സമൂഹ മാദ്ധ്യമങ്ങളിൽ ഉയരുന്നത്.
പാകിസ്താനി കമന്റേറ്റർ ഒരു ക്രിക്കറ്റ് താരത്തിന്റെ പേര് പറഞ്ഞത് ചെറുതായൊന്ന് മാറിപ്പോയതാണ് സംഗതി വൈറലാകാൻ കാരണം. ന്യൂസിലാൻഡ് മുൻ ക്രിക്കറ്റ് താരമായ ഡാനി മോറിസണെയാണ് കക്ഷി ഉദ്ദേശിച്ചതെങ്കിലും പറഞ്ഞുവന്നപ്പോൾ അത് ഡാനി ഡാനിയേൽസ് ആയി പോയി. പ്രശസ്തയായ പോൺ സ്റ്റാറാണ് ഡാനി ഡാനിയേൽസ്.
Put me in coach! 😏😂🤍 https://t.co/sc5ciwTN53
— Dani Daniels (@akaDaniDaniels) January 4, 2023
ഇതിന്റെ വീഡിയോ ദൃശ്യങ്ങൾ നിമിഷ നേരം കൊണ്ടാണ് സോഷ്യൽ മീഡിയയിൽ വൈറലായത്. ഒടുവിൽ സാക്ഷാൽ ഡാനി ഡാനിയേൽസും വൈറൽ വീഡിയോ ശ്രദ്ധിക്കാനിടയായി. കിടിലൻ അടിക്കുറിപ്പെഴുതി അവർ അത് റീട്വീറ്റും ചെയ്തു. ‘പുട്ട് മി ഇൻ കോച്ച്’ എന്നായിരുന്നു ഡാനി ക്യാപ്ഷൻ നൽകിയത്. കമന്ററിക്കിടയിൽ പറ്റിയ അബദ്ധം നിരവധി കാഴ്ചക്കാരെ ചിരിപ്പിച്ചുകൊണ്ടേയിരിക്കുകയാണ്.
