മാളികപ്പുറം ചിത്രം കണ്ട അനുഭവം പങ്കുവച്ച് സംവിധായകൻ ജൂഡ് ആന്റണി ജോസഫ്. സിനിമ വളരെ ഇഷ്ടപ്പെട്ടുവെന്നും അത്യുഗ്രൻ സിനിമാ അനുഭവമാണെന്നും ജൂഡ് ഫേസ്ബുക്കിൽ കുറിച്ചു.
”മാളികപ്പുറം കണ്ടു. അത്യുഗ്രൻ സിനിമാനുഭവം. അഭിലാഷ് പിള്ളയുടെ മികച്ച തിരക്കഥ, വിഷ്ണു ശശിശങ്കർ എന്ന സംവിധായകന്റെ മികച്ച തുടക്കം. അഭിനേതാക്കൾ എല്ലാവരും മികച്ചു നിന്നെങ്കിലും ഏറ്റവും ഇഷ്ടായത് കല്ലുവിനെ അവതരിപ്പിച്ച ദേവനന്ദയെയും ഉണ്ണിയെയുമാണ്.” ജൂഡ് പറഞ്ഞു. നിർമ്മാതാവായ വേണു കുന്നപ്പള്ളിയെ ടാഗ് ചെയ്താണ് അദ്ദേഹം പോസ്റ്റ് പങ്കുവച്ചത്.
രണ്ടാം വാരത്തിലേക്ക് കടന്ന മാളികപ്പുറം തീയേറ്ററിൽ നിറഞ്ഞ സദസിൽ പ്രദർശനം തുടരുകയാണ്. ബാലതാരങ്ങളായി അഭിനയിച്ച ദേവനന്ദയും ശ്രീപഥും മികച്ച പ്രകടനം കാഴ്ചവച്ചുവെന്ന അഭിപ്രായമാണ് നേടുന്നത്. ഉണ്ണി മുകുന്ദന്റെ സ്ക്രീൻ പ്രസൻസും അഭിനന്ദനാർഹമാണെന്ന് സിനിമാ പ്രേമികൾ പറയുന്നു. ഡിസംബർ 30നായിരുന്നു കേരളത്തിൽ സിനിമ റിലീസ് ചെയ്തത്. നിലവിൽ ജിസിസി രാജ്യങ്ങളിലും ചിത്രം പ്രദർശനം നടത്തുന്നുണ്ട്.
Comments